Спорт
Браун со 50 поени спречи пораз на Бостон

Бостон Селтикс и Орландо Меџик, изминатата ноќ, го одиграа највозбудливиот натпревар во НБА лигата. Селтикс победија по продолжението со 116:111.
Бостон, волшебно се извлекоа против Орландо. Имаат минус од 14 поени на четири минути до крајот. Успеаја да изборат продолженија и потоа да слават во дополнителното време.
Блескаше Џејлен Браун, кој се запиша во историјата на славната франшиза. Браун натпреварот го заврши со 50 поени и 11 скокови. Претходно ова им успеало само уште на Лери Бирд (два пати), Кевин Мекхејл и Џејсон Тејтум.
Лејкерси, против Минесота, ја забележаа 19. победа, во 38.натпревар сезонава. Лејкерис славеа со 108:103. Леброн Џејмс ја прекина низата од седум натпревари, на кои постигнуваше најмалку 30 поени. Џејмс мечот го заврши со 26 поени, седум скока и пет асистенции.
Далас Маверикс победија во Оклахома 95:86. Во тимот на Далас по паузата поради повредата на стапалото, се врати Лука Дончиќ. Словенецот еден скок го делеше од трипл-дабл, дуелот го заврши со 14 поени, девет скока и 10 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Агонијата на Ливерпул трае, Манчестер јунајтед победи на „Енфилд“

Манчестер јунајтед го доби најголемото дерби во англискиот фудбал. На „Енфилд“, Јунајтед го победи Ливерпул со 2:1. Прв пат во ерата на Рубен Аморим, Манчестер јунајтед забележа две победи по ред во Премиер лигата. Ливерпул потврди дека е во криза, има четири порази во низа, три од нив се во првенството. Голот за победа со кој Јунајтед победи во Ливерпул за прв пат по ноември 2014 година, го постигна Хари Мегваер во 83-та минута.
Јунајтед експресно дојде до предност, по само 61 секунда, по додавањето од Диало, стрелец беше Мбеумо.
Ливерпул во првиот дел не блескаше, но имаше две големи шанси, преку Гакпо. Репрезентативецот на Холандија два пати ја погоди стативата. Во овој дел од играта, шанса за Јунајтед имаше Бруно Фернандеш.
Вториот дел апсолутно му припадна на Ливерпул. Целосна иницијатива, шанса за Исак, потоа и за Салах, два опасни удари на Екетике. Домаќините изедначија во 78-та минта, мешаница пред голот ан Јунајтед, а Гакпо од пет метри ја спроведе топката во голот.
Холанѓанецот три минути подоцна од чиста позиција, по центаршутот на Фримпонг, од пет метри ја испрати топката крај голот.
Казната дојде во следниот напад. Ливерпул одбрани корнер, но топката пред голот ја врати Фернандеш. Мегваер највсокот скокна и го совлада Мамардашвили.
До крајот Ливерпул притисна со сите сили, Јунајтед сепак успеа да се одбрани.
Спорт
(Видео) Пресврт и победа на Астон Вила кај Тотенхем

Во натпреварот од осмото коло од Премиер лигата одигран во Лондон, Астон Вила го победи Тотенхем како гостин по пресвртот со 2:1.
Астон Вила имаше лош почеток на сезоната, дури под знак прашалник беше и иднната на менаџерот Унаи Емери, но во последниот месец екипата игра повторно игра како во своите најдобри денови.
Тимот од Бирмингем продолжи да победува и по репрезентативната пауза. Веќе има три по ред кога е во прашање лигата, а последниот е особено импресивен, запишан против сериозен ривал и тоа на негов терен.
Почетокот не ветуваше за гостите. Веќе во петтата минута, Тотенхем поведе по одлична акција на Кудус и Палиња, стрелец беше Родриго Бетанкур. Две минути подоцна Кудус ја затресе мрежата. Сепак, голот беше поништен поради офсајд.
Тотенхем беше подобар противник во тие моменти, тие ги контролираа настаните на теренот. А потоа шок во 37-та минута. Морган Роџерс демонстрираше каков шут има, Викарио беше немоќен.
Мудро, Астон Вила чекаше Тотенхем да се отвори и да остави простор во одбраната. Резервата Емилијано Буендија искористи една таква ситуација. Аргентинецот ја погоди малата мрежа со исклучително прецизен удар во 77-та минута и донесе целосен пресврт. Пресврт кој на крајот ѝ донесе на Астон Вила три големи бода.
Спорт
Медведев го прекина постот долг 29 месеци

Данил Медведев го освои турнирот од серијата 250 во Алмати, Казахстан. Рускиот тенисер во финалето го победи со 2:1 (7:5, 4:6, 6:3). Финалето траеше два часа и 38 минути.
Медведе, направи нешто добро оваа година, која за него до турнирот во Алмати беше кошмарна. Трофејот во Казахстан е прва титула за Медведев по Рим во 2023 година, односно по 29 месеци.
Финалниот натпревар во Алмати беше полн со пресврти. Медведев го доби првиот сет со 7:5 во неизвесна завршница. Откако Муте направи брејк во првиот гем, Медведев финишираше со два брејка.
Французинот успеа да се врати и да го земе вториот сет со резултат од 6:4, исто така со два брејка.
Во решавачкиот трет сет, сепак, Медведев демонстрираше малку повисока класа, направи брејк во осмиот гем и потоа лесно го заврши мечот.
Турнирот во Алманио се игра на тврда подлога и припаѓа на серијата АТП 250, но секако оваа титула доаѓа како големо за рускиот тенисер.