Иако претходно беше потенцирано дека Новак Ѓоковиќ нема да може да настапи на претстојниот Ролан Гарос доколку не прими вакцина против ковид, тоа се промени. Откако Франција реши да направи промени во политиката во однос на зелените сертификати, најдобриот светски тенисер сега спаѓа под „исклучок“.

Djokovic, ora Parigi apre le porte: green pass come guarito entro sei mesi https://t.co/frueDrs2KI

— La Gazzetta dello Sport (@Gazzetta_it) January 22, 2022

Имено, луѓето кои заболеле од Ковид во последните шест месеци можат непречено да циркулираат во Франција, што значи дека Ѓоковиќ без проблем ќе може да влезе во оваа земја, со оглед на тоа што кон средината на декември добил позитивен тест за Ковид-19.

Тоа значи дека неговиот „пас“ важи барем до средината на јуни, исто колку што ќе трае Ролан Гарос во главниот град на Франција. Ова е најновата одлука на француската влада, која потоа беше потврдена во тамошниот национален парламент.

Сите спортисти од понеделник ќе треба да го имаат на располагање таканаречениот „супер ковид-пасош“ кој се добива доколку се вакцинирани или поминале најмалку 11 дена од закрепнувањето од ковид, а не повеќе од шест месеци од тој датум.

Турнирот во Франција започнува на 22 мај, а завршува на 5 јуни. Новак доби позитивен тест за коронавирус на 16 декември, а Србија има договор со Франција, но и со сите земји од Европската унија, за меѓусебно признавање на сертификатите, па затоа Ѓоковиќ нема да треба да се грижи околу својот престој во Париз до 16 јуни.

Фудбалерите на Севилја, во драматичен меч, успеаја да освојат бод против Селта. На својот „Рамон Санчез Писхуан“, Севилја одигра 2.2 против тимот од Виго.

Севилја како полека да го губи чекорот со лидерот на табелата Реал. Ова е второ реми за Севилја, по кое, со натпревар повеќе имаат три бода помалку од Реал.

Двата тима, во овој дуел, имаа по едно полувреме. Селта, во првиот дел, во интервал од три минути, постигна два гола. Во 37.минута Дмитровиќ го совлада Серви, а во 40. Јаго Аспас.

Буквално со иста мерка возврати Севилја во вториот дел. Папу Гомес со екстра гол намали во 71., а Оливер Торес израмни во 74.минута.



Франција ги измени правилата поврзани со социјалните активности што значи дека Новак Ѓоковиќ ќе може да ја брани титулата на Ролан Гарос. Минатата недела, се појави информацијата дека Франција донесе нов закон, според кој на невакцинираните нема да им биде дозволен пристап на сите општествени настани, меѓу кои се и спортските натпревари.

Измените ќе му дозволат на Ѓоковиќ да игра на Ролан Гарос. Српскиот тенисер не е вакциниран, но кон крајот на декември втор пат беше заразен со коронавирусот.

Што предвидуваат измените? Лицата кои во последните шест месеци го прележале коронавирусот непречено ќе можат да се движат низ Франција. Доколку нема некакви дополнителни измени, тоа значи дека Ѓоковиќ ќе може да се појави во Париз.

Ролан Гарос ќе започне на 22.мај. Ѓоковиќ на 16.декември доби позитивен тест на коронавирусот, а шест дена подоцна беше негативен.