Спорт
Бразилските фудбалери на невиден начин го понижија својот тренер
Фудбалерите на Бразил беа елиминирани од Копа Америка по изведувањето пенали во четврт-финалето против Уругвај, иако го разочараа фудбалскиот свет поради друга причина.
Пред почетокот на пенал серијата, видена е сцена каква што ретко се гледа на ова ниво на фудбал: прегрнати, наредени еден до друг во круг, фудбалерите на Бразил правеа план пред најважниот дел од натпреварот додека селекторот „играше“ околу тој круг.
Никој не обрна внимание на тренерот Доривал Јуниор.
Тргната настрана, напорна за да земе збор, да сподели совети и упатства, секој таков обид на Доривал беше залуден. Во еден момент дури и ја крена раката за да биде забележан.
И тогаш никој не го ни погледна.
Репрезентативците на Бразил покажаа што мислат за својот селектор така што брутално го тргнаа од себе во моментот кога се договорија за клучниот дел од играта. Селекторот беше брутално исклучен.
Јасно е дека Доривал нема авторитет за бразилските ѕвезди, но под секое ниво е вака да се понижува тренерот пред очите на фудбалскиот свет.
Од другата страна на теренот – сосема поинаква слика.
Слика на заедништво и синергија помеѓу играчите и тренерите.
Уругвајците беа прегрнати во круг и додека нивниот тренер Марсело Биелса беше во центарот, држејќи го зборот, командуваше, додека играчите внимателно го слушаа.
Впрочем, не случајно пенал серијата отиде во рацете на Уругвајците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024
Спорт
Кијану Ривс – професионален автомобилист
Во саботата на познатиот автопат Индијанаполис, своето професионално деби во автомобилизмот го имаше Кијану Ривс.
И беше многу возбудливо. Некаде на половина од 45-минутната трка, холивудската суперѕвезда излета на тревата, но немаше судар. 60-годишникот продолжи да вози откако испратил сигнал дека не е повреден.
Актерот, познат по улогите во филмовите „Матрикс“, Џон Вик и многу други блокбастери, се натпреварува во Индијанаполис на „Тојота Џи-Ар куп“, тркачко натпреварување под покровителство на познатата трка „Инди 8 часа“.
Автомобилот што Ривс го вози има симболи од стрипот „The Book of Elsewhere“, кој делумно го напишал Ривс. Тимски колега на Кијану е Коди Џонс, Јутјубер познат како член на групата „Dude Perfect“.
Ова не е првпат Ривс да ги испроба своите способности во автомобилизмот. Во 2009 година, тој триумфираше на трката за славни личности во Лонг Бич.
Stars shine brighter at Indy 🤩
Film icon Keanu Reeves and @dudeperfect’s Cody Jones are on track for Race 1 of the Toyota GR Cup!@officialgrcup | @indy8hour pic.twitter.com/ZbkFfBphiy
— Indianapolis Motor Speedway (@IMS) October 5, 2024