Спорт
Брејк на Њу Орлеанс во Финикс
Њу Орлеанс Пеликанс направија брејк во Финикс, Мемфис го изедначи резултатот во серијата со Минесота, а Мајами води 2-0 во серијата против Атланта.
Њу Орлеанс предводени од брилијантниот Брендон Инграм славеа во Финикс со 125:114. Асистенција му недостигаше на Инграм за трип-дабл. Натпреварот го заврши со 37 поени, 11 скока и девет асистенции. Си Џеј Мекалум додаде 23 поени.
Њу Орлеанс по пауза од четири години победија на теренот во Финикс.
Кај Финикс се истакна Девин Букер со 31 поен. Најдобриот играч на Санс, мечот го заврши на крајот од третата четвртина поради повреда на тетивата.
Мемфис ја декласираа Минесота со 124:96 и изедначија на 1:1. Џа Морент постигна 23 поени, имаше и 10 скока и девет асистенции. По 16 поени уфрлија Дезмонд Бејн и Џарен Џексон јуниор.
Мајами славеа уште една лесна победа над Атланта. Во вторито меч Мајами победија со 115:105.
Рекорд во кариерата забележа Џими Батлер, постигна 45 поени. На спротивната страна се истакна Богдан Богдановиќ со 29 поени, 19 од нив во последната четвртина, кога Атланта минусот од 20 поени го намали на само три.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.