Поранешниот прв светски рекет во женска конкуренција, Германката Анжелик Кербер не е сигурна дали ќе настапи на САД опен кој според организаторите би требало да започне на 31 август. Големиот број заболени со Ковид 19 во Њујорк и општо во САД ја компликува ситуацијата, но од организацијата велат дека се оди по планот.

„Искрено, не можам да замислам. Мислам дека никој не сака да влезе во авион и да полета кон Њујорк. Во овој момент никој не знае што се случува и што ќе биде во иднина“ – вели Кербер.

ВТА турнирите продолжуваат на 3 август, апрвото натпреварување ќе биде во Палермо. Потоа следува турнејата во САД за која Кербер смета дека е под знак прашање.

„Кој знае, можеби нема да играме тенис во наредните две години. Тешко е да се каже, можеби ќе почнеме повторно за 3 недели“ – додава германската тенисерка.

Кербер (32) на САД опен триумфираше во 2016 година, а моментно е на 21. позиција на ВТА ранг листата.

Аталанта од Бергамо, хитот оваа сезона во италијанската Серија А синоќа одигра нов ефикасен меч и со 6-2 славеше над претпоследната екипа во првенството, Бреша.

Три гола за домашната екипа постигна хрватскиот интернационалец, Марио Пашалиќ, од кои првиот најбрзо сезонава во Серија А, по само 87 секунди.

Уште до полувремето беше завршена целата работа, Аталанта на пауза отиде со 4-1.

Во вториот дел рутинирано, се стигна до конечните 6-2 со кои сега Аталанта е втора на табелата зад Јувентус кој е на +6 и меч повеќе за играње.

Бреша, пак, само чудо може да ја задржи во најквалитетното италијанско друштво и наредната сезона. Има 21 бод, дури 9 помалку од Џенова која е над линијата.

Иако капитенот на македонската фудбалска репрезентација за 13 дена ќе полни 37 години, сепак се уште е еден од најдобрите во италијанската Серија А. Тој е човекот кој се уште ја држи во живот екипата на Џенова која сезонава грчевито се бори за опстанок во елитата.

Според порталот „Инфогол“, Пандев се најде во тимот на 32-то коло, кога неговата Џенова го победи СПАЛ со 2-0, а првиот гол беше дело токму на Македонецот. За него тоа беше деветти сезонски погодок.

Во ова рангирање, во нападот друштво на македонскиот голгетер друштво му прават Лаутаро Мартинез од Интер и Рикардо Орсолини од Болоња.

На останатите позиции, во тимот на колото се и Малиновски, Бонацоли, Шене, Гаљоло, Ферари, Јошида, Ди Лорензо и на голот Крагно од Калјари.