Рубен Аморим за последен пат го предводеше Спортинг, а на збогувањето со клубот во кој се етаблираше како тренер забележа импресивна победа во Брага. Спортинг по првиот дел губеше со 2:0, на крајот победи со 2:4.

Спортинг до овој натпревар имаше импресивен настап во сите натпреварувања, десет последователни победи во домашната лига и десет бода од максималните 12 во Лигата на шампионите.

Играчите на Брага мотивирано влегоа во натпреварот, поведоа со голот на Рикардо Орта во 20. минута. Истиот играч по одличната тимска акција зголеми на 2:0 во 45.минута.

Во 58. минута Морита успеа да го намали водството на Брага, а во периодот од 82. до 92.минута на сцена стапија Данците, Хјулманд и Хардер. Повозрасниот Хјумланд изедначи на 2:2, а потоа Хардер со два гола ја запечати судбината на Брага.

Аморим ќе дебитира на клупата на Манчестер јунајтед по репрезентативната пауза, каде што го наследи Ерик Тен Хаг.

Со максимален учинок заминува од Спортинг, го израмни клупскиот рекорд со 11 победи во првите 11 кола, а го остава клубот во одлична позиција во Лигата на шампионите, каде од можните 12 освои 10 бода.

Фудбалерите на Реал Сосиедад ја победија Барселона со 1:0 во последниот натпревар од 13. коло во Примера. Ова е трет пораз за Барселона сезона, втор во Примера и воедно прв натпревар на кој Барселона од почетокот на сезоната не успеа да постигне гол.

Херој на тимот од Сан Себастијан беше Жралдо Бекер, кој во 33. минута го совлада Игнасио Пења.

Бекер ја искористи грешката на Пау Кубарси, кој беше под знак прашалник по повредата против Црвена звезда.

Кубарси направи лоша проценка, не успеа да го испрати Бекер кој влезе од втор план и со удар од прва ја смести топката во голот.

Барса постигна гол уште во раната фаза од натпреварот, погоди Роберт Левандовски, но тој гол беше поништен поради офсајд.

Сосиедад одигра извореден натпревар, не и дозволи на Барселона ниту една чиста шанса за гол.

Ханси Флик не можеше да смета на Ламин Јамал, кој се здоби со повреда на скочниот зглоб на натпреварот со Црвена звезда во Белград.

Барселона и покрај поразот ќе остане на првото место со 33 бода. Сосиедад е осми со 18 бодови.

Фудбалерите на Интер и Наполи ремизираа 1:1 во дербито од 12. коло на италијанската Серија А. Ова беше дуел на двата последни шампиони на Италија, а шампионот од 2023 година Наполи го задржа првото место на табелата со 26 бодови. Бранителот на титулата Интер заостанува бод зад лидерот, заедно со Аталанта, Фиорентина и Лацио. Јувентус е шести со 24 бодови и јасно е дека шампионската трка ќе биде исклучително возбудлива оваа сезона.

Она штио се очекуваше пред мечот и се случи, на „Џузепе Меаца“ се водеше тактика војна меѓу Симоне Инзаги и Антонио Конте, во текот на првото полувреме Наполи му го препушти поседот на Интер, но играчите на Конте беа исклучително опсани кога ќе тргнеа во транзиција.

Двапати се закани преку Кварахелија, а потоа поведоа во 23. минута.

Кварацхелија изведе корнер од левата страна, Рахмани налета на топката во шеснаесетникот и ја насочи кон голот, а во шеснаесетникот Скот Мектоминеј само ја и го смени правецот и ја испрати во мрежата, за 0:1.

Интер немаше игра во првото полувреме, но и покрај тоа тимот на Инзаги успеа да изедначи. Хакан Чачаноглу, во 43.минута испрати страотен удар од 25 метри, впечаток е дека и Мерет мораше подобро да реагира.

Првата половина од вториот дел беше за заборав, играчите целосно ги исполнија сите тактички задачи, но некаде од 65. минута Интер го зголеми ритамот и тргна во офанзива.

Во 74. минута Интер доби пенал, а Чалханоглу ја погоди стативата.

Тоа беше негов прв промашен пенал во дресот на Интер.

Во финишот немаше возбудувања до 94. минута, кога Џовани Симеоне пропушти одлична шанса да ги шокира домаќините.