Црна Гора имаше сила да се држи рамноправно со Франција само во првите 20-тина минути од мечот, за потоа „триколорите“ да ја покажат својата сила и да дојдат до 36:27 (16:12) победа која ги враќа во игра за финале по неочекуваниот пораз од Исланд на Европското првенство во Унгарија и Словачка.

Иако мечот започна со израмнета игра и со црвен картон за голманот Винсен Жерар, неговата замена Весли Пардан на голот беше клучен со одбраните за во финишот на првото полувреме да стигнат до четири гола предност. Во второто полувреме, тие само го зголемуваа водството, кое достигна до 10 гола. Дика Мем имаше 8 гола за Франција, а по четири уфрлија Никола Карабатиќ, Беноа Кунку и Никола Турна, додека кај Црна Гора, Милош Вујовиќ имаше 7, а Бранко Вујовиќ 5 гола.

За тимот на Ерик Мате ова е важна победа по поразот од Исланд и сега тие се на второто место на табелата во групата 1 со 6 поени зад Данска со 8 и Исланд со 4. Во последното коло Французите играат со Данска, додека Исланд игра со Црна Гора.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-4105-36556”));

Домаќинот Камерун е четвртиот четврт-финалист на Африканскиот куп на нации, откако во невообичаен меч со 2:1 ги совладаа аутсајдерите Комори, кои навистина немаа среќа во својот историски настап на континенталното натпреварување.

Комори поради пандемијата меѓу своите фудбалери останаа без голман пред стартот на мечот  – нивниот прв голман Салим Бен Боина се повреди на мечот со Мароко, а Мојад Усеини и Али Ахамада имаа позитивни тестови. Ахмада врати негативен тест пред вечерашниот натпревар, но Конфедерацијата на африкански фудбал (ЦАФ) ги смени правилата и не му дозволи да игра поради протоколите.

Поради ова, Коморите мораа да играат против петкратниот шампион на натпреварувањето без вкупно 12 позитивни фудбалери и со левиот бек Чакер Аладур на позицијата на голман. Аладур инаку е висок само 170 сантиметри.

За ситуацијата да стане полоша за малата островска држава од Индискиот Океан, по само седум минути игра Наџим Абду доби црвен картон, оставајќи ги со 10 играчи. Камерун дојде во водство преку Карл Токо Екамби во 29. минута, пред Винсен Абубакар да го постигне својот четврти гол на турнирот во 70. минута. Сепак, аутсајдерите не се предадоа, и во 81. минута намалија на 2:1 преку Јусуф М’Чангама, иако за сензација немаа сили до крајот.

ОСМИНАФИНАЛЕ, АФЦОН 2022

Камерун – Комори 2:1

ЧЕТВРТ-ФИНАЛЕ, АФЦОН 2022

Буркина Фасо – Тунис

Гамбија – Камерун

Сенегал/Кабо Верде – Мали/Екваторска Гвинеја

Брег на Слонова Коска/Египет – Мароко/Малави

Италијанскиот селектор Роберто Манчини и официјално го врати Марио Балотели во репрезентацијата откако беше повикан меѓу 35-те фудбалери за интернационалната пауза.

31-годишниот Балотели, кој оваа сезона игра во турскиот Адана Демирспор, се враќа во репрезентацијата првпат од септември 2018 година кога одигра 62 минути при 1:1 ремито со Полска во Лигата на нациите.

Манчини со Балотели ќе се обиде да ја реши кризата во нападот за европските шампиони откако Чиро Имобиле и Андреа Белоти беа во слаба форма во последните квалификациски мечеви за Светското првенство. Македонија ќе гостува на Италија во првиот бараж-натпревар за пласман на мундијалот во Катар во март по што победникот ќе игра со подобриот од мечот Португалија – Турција.

Манчини и Балотели се познаваат многу добро откако работеа заедно во Интер и во Манчестер сити и иако има и големо пријателство, екцентричното однесување на Балотели честопати му пречеше на стратегот.

#Nazionale 🇮🇹

📋 Il Ct #Mancini convoca 35 #Azzurri per lo stage in programma dal 26 al 28 gennaio a #Coverciano

I dettagli 👉🏻 https://t.co/vD9kBSC5vT#VivoAzzurro pic.twitter.com/T3DbIK0PUi

— Nazionale Italiana ⭐️⭐️⭐️⭐️ (@Azzurri) January 24, 2022