Спорт
Британците им ги замрзнаа имотите на руските олигарси – Абрамович не може да го продаде Челси
Роман Абрамович е еден од седуммината руски олигарси, на кои британската влада им определи санкции, поради воената инвазија на Русија врз Украина.
Владата замрзна се што поседува Абрамовиќ во Велика Британија. Ова значи дека тој нема да може да го продаде фудбалскиот клуб Челси и покрај тоа што „сините“ добија дозвола да тргуваат како спортски клуб.
Според оваа одлука, Челси повеќе нема да може да продава билети за своите натпревари, односно на „Стенфорд Бриџ“, присуство ќе им биде дозволено само на оние кои имаат сезонски билети.
„Со оглед на значителното влијание на денешните санкции врз ФК Челзи и потенцијалните ефекти од сето ова, владата утринава издаде дозвола со која се регулира бројот на фудбалски активности што Челзи може да ги продолжи. Тука е вклучена дозволата клубот да продолжи да игра натпревари што во суштина ќе ја заштити Премиер лигата, фудбалската пирамида, пошироката фудбалска пирамида, лојалните навивачи и другите клубови. Оваа лиценца дозволува само дејствија, со цел да не им се дозволи на лицата кои се погодени од санкциите да најдат начин да ги заобиколат. Лиценцата ќе продолжи да биде редовно и внимателно разгледувана и ние ќе продолжиме да работиме со фудбалските власти“, се вели во соопштението на владата на Велика Британија“, стои во соопштението на британската влада.
? Summary of sanctions on Chelsea due to Abramovich sanctions:
❌ No more ticket sales
❌ No more merchandise sales
❌ No new contract extensions
❌ No new transfers in or out✅ Salaries will be paid
✅ Season tickets still valid as already sold(Source: @martynziegler)
— Transfer News Live (@DeadlineDayLive) March 10, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Работнички испушти предност од два гола против Арсими
Два натпревари во кои немаше победник го отворија 11-то коло во Првата македонска фудбалска лига.
Арсими и Работнички ги поделија бодовите по возбудливо реми во натпревар во кој двата тима постигнаа по два погодоци. Средбата донесе динамична игра, многу возбудувања и четири гола.
Натпреварот започна со офанзивен ритам од двете страни. Во 7-та минута, Бешагиќ и Шефити комбинираа убаво, но ударот на Шефити заврши над пречката. Работнички ја имаше најдобрата шанса во 27. минута преку Кадриу но голманот Ислами одлично интервенираше и ја спаси својата мрежа.
Само три минути подоцна, Арсими возврати со опасен напад, кога Шефити шутираше силно од далечина, но голманот на Работнички повторно беше на висина на задачата. Предноста на романтичарите дојде во 40. Минута, Демир Имери со прецизен удар со десната нога го совлада голманот за 1:0. Само една минута подоцна, по центаршут од десната страна на Имери, Дрлевиќ ја погоди сопствената мрежа и зголеми на 2:0, резултат со кој заврши првото полувреме.
Во вториот дел, Арсими почна многу поагресивно, барајќи го голот на надеж. Во 68. Минута Башким Велиу постигна вистински еврогол од околу 35 метри, намалувајќи на 2:1. Притисокот на домашните продолжи, а во 85. минута по голема мешаница во шеснаесетникот на Работнички, Албан Таипи се снајде најдобро и постигна гол.
Првично, судијата го поништи погодокот поради офсајд, но по консултација со ВАР-системот, голот беше признаен на радост на домашните играчи и публиката.
По ова реми, Арсими стигна до 12 бодови и се наоѓа на осмото место на табелата, продолжувајќи со позитивна серија. Работнички останува на десеттата позиција со само 7 бодови, продолжувајќи ја кризата на резултати.
Во истиот термин нерешено (1:1) заврши и дуелот меѓу Македонија ЃП и Башкими.
Табела:

Извор/ Фудбалска федерација на Македонија
Спорт
Доживотна суспензија за двајца фудбалери на Беса Слупчане, физички го нападнаа голманот на Аеродром
Фудбалската федерација на Македонија ја информира јавноста дека Дисциплинскиот комесар на Трета лига – Север донесе одлука за доживотна суспензија на фудбалерите Орхан Демири и Ердин Арифи од ФК Беса Слупчане, поради физички напад и обид за линч на противнички фудбалер по завршување на натпреварот ФК Беса Слупчане – ФК Аеродром, одигран во рамки на 8. коло од Третата лига – Север.
Домашниот терен на ФК Беса Слупчане се суспендира на 10 (десет) натпревари. Истовремено, ФК Беса согласно дисциплинскиот правилник е должен да плати и парична казна.
Фудбалската федерација на Македонија најостро го осудува секој облик на насилство на фудбалските терени и ќе продолжи со доследна примена на сите дисциплински прописи, со цел заштита на интегритетот на натпреварите и безбедноста на сите учесници во фудбалот.
Ставот на ФФМ е јасен и недвосмислен:
Во фудбалот нема место, ниту милост за оние што се подготвени да тепаат, линчуваат и го нарушуваат угледот на фудбалот.
Извор/ Фудбалска федерација на Македонија
Спорт
Се повреди Педри, ќе отсуствува неколку недели
По поразот од Реал Мадрид, пристигнаа нови лоши вести за Барселона, повреда на мускулот заработил најдобриот играч, Педри.
Каталонските медиуми денес потврдија дека Педри ќе биде отсутен од тимот неколку недели.
Инаку, Педри доби црвен картон во судиското продолжение во Ел Класико, па дефинитивно ќе го припуштеше дуелот со Елче, но поради повредата нема да игра и против Клуб Бриж и Селта на гости, а по репрезентативната пауза, домашниот меч со Атлетик Билбао и гостувањето кај Челзи на „Стемфорд Бриџ“.
Се очекува главната цел на Педри да биде враќање за дербито со Атлетико Мадрид, кој гостува кај Барселона на 2 декември.
Ова дефинитивно е најлошата можна вест во најлошото можно време, бидејќи Рафиња, Дани Олмо, Роберт Левандовски, Гави и Џоан извесно време се отсутни поради повреди.
Во отсуство на Педри и Гави, се очекува Марк Касадо да го заземе стартното место покрај Френки де Јонг.

