Спорт
Британците сакаат да го организираат СП во 2030 година

Британскиот премиер Борис Џонсон, ја поддржал потенцијалната заедничка кандидатура на Англија, Шкотска, Велс, Северна Ирска и Република Ирска за организација на Светското првенство во фудбал во 2030 година.
Кандидатурите за организација на СП во 2030 година ќе можат да се поднесат наредната година. Британците веќе започнале да ги разгледуваат сите опции и заедничката кандидатура.
„Заинтересирани сме за можноста во 2023 година фудбалот да го вратиме дома, мислам дека тоа е исправно. Овде е домот на фудбалот, мислам дека тоа би било фантастична вест за целата земја“, рекол премиерот на владата на Велика Бротанија, Борис Џонсон.
Владата кандидатурата на Велика Британија ќе ја подржи со 2,8 милиони фунти, соопшти Фудбалската асоцијација.
Англија во 1966 година го организираше Светското првенство во фудбал, кога и ја освои единствената титула.
Инаку, СП во 2022 година ќе се одржи во Катар, а четири години подоцна домаќини ќе бидат САД, Мексико и Канада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нико поради повреда ја заврши сезоната

Дефанзивецот на Борусија, Нико Шлотербек ќе го пропушти остатокот од сезоната поради повреда. Германскиот репрезентативец го скина менискусот на левото колено.
„Отсуството на Нико ќе влијае врз тимот. Тој е многу важен дел од нашиот тим и тоа го потврди со своите постојано добри настапи оваа сезона. Се надеваме дека брзо ќе се врати во форма и ќе го поддржиме максимално“, изјави спортскиот директор на Борусија, Себастијан Кел.
Шлотербек оваа сезона одигра 37 натпревари за Борусија во сите натпреварувања.
За германската репрезентација одигра 30 натпревари.
Борусија утре против Барселона ќе го одигра привот четвртфинален натпревар во Лигата на шампионите.
Спорт
Важна победа за Сакраменто во Детроит, Мајами лесно се спарвија со Филадлефија

Поради финалето во НЦАА, изминатата ноќ во НБА лигата се одиграа само два натпревари. Победи забележаа Сакраменто Кингс и Мајами Хит.
Сакраменто победи во Детроит со 127:117. Кингс се деветти на Западот и се доближија до место во плеј-ин.
До победата во Детроит ги предводеа Зек Лавин и ветеранот Демар Дерозан. Лавин постигна 43 поени, од кои 17 во последната четвртина, Дерозан додаде 37.
Домантас Сабонис оствари трипл-дабл, 19 поени, 15 скока и 10 асистенции, тимот од Калифорнија забележа три победи во низа, тие се на чекор пред Мавс во борбата за деветтото место.
Кај Детроит најдобри беа Кејд Канингем со 35 поени и Тим Хардавеј Џуниор со 19. Детроит се шести на Истокот и најверојатно во првото коло, во плеј-офот ќе играат против Њујорк Никс.
Данкан Робинсон играше во последната четвртина, постигна 12 од 21 поен, а Мајами стигна до очекуваната победа против Филалделфија Сиксерси (117:105).
Хит сега заостанува половина победа зад Чикаго во битката за деветтото место, тие играат против Булс во среда, што би можело да го реши последното место во плеј-ин.
Спорт
(Видео) Флорида Гејторс ја освоија титулата во НЦАА

Универзитетот Флорида успеа да ја освои титулата во НЦАА откако победи во финалето против Хјустон Кгуарс со резултат 65:63.
Гејторс претходно ги победија Норфолк Стејт, бранителот на титулата Конектикат, Мериленд, Тексас Тек, Обурн на патот до нивната трета титула во НЦАА.
Хјустон Кугуарс го имаа последниот напад на мечот, го имаа нападот за победа, но многу лошо го организираа и не успеаја да реализираат на радост на навивачите на Флорида во „Аламодом“ во Сан Антонио.
За МВП на завршниот турнир беше прогласен Волтер Клејтон Јуниор од шампионот Флорида, кој во финалето забележа 11 поени со 5 скока и 7 асистенции. Поефикасен од него беше Вил Ричард со 18 поени, а Алекс Кондон додаде 12. Кај поразениот тим двоцифрен беше единствен Ел Џеј Крајер со 19 поени и 6 скока.