Реал ја доби прввта осминафинална епизода против Атлетико на „Бернабеу“ со 2:1 „Мадрилењо“ го обележаа головите, особено оној на Хулијан Алварез. Вечерва Арсенал избори место во четвртфиналето откако со 7:1 во Ајндховен го победи ПСВ, додека без победник заврши дуелот во Дортмунд меѓу Борусија и Лил (1:1).

Актуелниот европски првак понеди со голвите на Родриго во четвртата и Брахим Дијаз во 55.минута. Голот за Атлетико е дело на Алварез во 32.минута

Во Мадрид вечерва градските ривали одиграа изедначен натпревар. Атлетико беше поразен, но сигурно има на што да се надева пред реваншот на стадионот „Метрополитано“ следната среда.

Арсенал се прошета низ Ајндховен, го понижи ПСВ. „Тобџиите“ работата си ја завршија во првите 30 минути кога постигнаа три гола. Стрелци беа Тимбер, Нванери и Мерино. Во финишот на полувремето Ланг ја намали предноста на гостите од пенал.

Во вториот дел шок за ПСВ на самиот старт, Одегард во 47. и Тросар во 48.минута зголемија на 1:5, посто Норвѓенецот го постигна својот втор гол, а точка на мечот стави Клафиори.

Финалистот од минатат сезона, Борусија Дортмунд не успеа да стекне предност над Лил по првиот меч. Водеа домаќините со голот на Адејеми во 22.минута, изедначи речиси во истата минута во вториот дел Харалдсон.

Реваншите се на програмата наредната среда.

Елиф Елмас, во јануари од Лајпциг се пресели на позајмица во Торино, одигра три натпревари постигна два глола со што ги натера првиот човек на клубот, Урбано Каиро да му наложи на спортскиот сектор да ги започне преговрите со Германците за откуп на договорот на македонскиот репрезентативец.

Елмас, во јануари 2024 година од Наполи се пресели во Лајпциг, за 24 милиони евра, но не успеа да ја стекне довербата на тренерот Марко Росе. Во есенскиот дел од сезоната одигра само 44 минути во Бундес лигата и 15 во Лигата на шампионите.

Незадоволен од статусот побара клубот на позајмица, го одбра Торино и не згреши.

Кога потпиша за Торино, клубот доби опција по завршувањето на сезоната да го откупи од Лајпциг за 17 милиони евра.

Спортскиот сектор на „биковите“ ќе ги стартува преговорите со Лајпциг и ќе се обиде да ја намали сумата која германскиот клуб ја бара како обесштетување.

Англиската фудбалска асоцијација (ФА) објави извештај за истрага во која се вклучени тренерот на Ливерпул Арне Слот и судијата Мајкл Оливер.

Оливер судеше на натпреварот Евертон-Ливерпул (2:2) на „Гудисон Парк“ на 12. февруари кога му покажа црвен картон на Арне Слот по натпреварот поради протест.

Слот беше суспендиран на два натпревари и казнет со 70.000 фунти. Истата казна ја заработи и неговиот прв помошник, кој доби парична казна од 7.000 фунти.

ФА, денеска објави што му рекол Слот на судијата Оливер по дуелот кој заврши 2:2, благодарение на голот на Џејмс Тарковски во осмата минута од судиското надополнување, иако натпреварот беше продолжен за пет минути.

„Се што судеше, судеше за нив. Се надевам дека си горд на својата работа. Ако не ја освоиме Премиер лигата, ти ќе бидеш е..но крив“, рекол тренерот на Ливерпул, според извештајот на ФА.

Слот одби да признае дека го кажал сето тоа и истакна дека е точно дека претерал со зборовите поради фрустрација, но не и дека ги употребил тие фрази.