Спорт
Бруклин го пратија Кајри Ирвинг во Далас!

Бруклин нетс го „трејдуваа“ Кајри Ирвинг во Далас маверикс, за што ќе го добијат Спенсер Динвиди, Доријан Фини-Смит и повеќе избори на драфтот, јавуваат повеќе извори.
Според „Атлетик“ и „ЕСПН“, Нетс ќе добијат избор во првата рунда на драфтот во 2029, и втор избор на драфтовите во 2027 и 2029 година, а покрај Ирвинг во Далас е отпатува и Маркиф Морис. 30-годишниот Ирвинг побара да биде продаден откако Нетси не му го дадоа продолжувањето на договорот, и сега е можно да добие четиригодишен договор вреден до 200 милиони фунти. Тој го пропушти мечот на Нетси против Вашингтон во петокот.
Ова е уште еден пресврт во сагата на Ирвинг, кој потпиша за својот домашен клуб заедно со Кевин Дурент во 2019 година. Тој беше суспендиран на осум меча оваа сезона откако сподели видео со анти-семитистичка политика, по што го загуби и спонзорскиот договор со „Најк“. Ирвинг исто така пропушти голем дел до сезоната 2021/22 откако одби да се вакцинира против КОВИД-19 и не можеше да игра на домашните мечеви поради правилата на градот Њујорк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Влаховиќ ја растажи Подгорица, Французите триумфираа во Даблин

Светскиот вицепрвак Франција стигна и до втора победа во квалификациите за ЕП 2024 откако ја совлада Република Ирска со 0:1 во Даблин. Бенјамин Павар беше стрелец на победничкиот гол за „триколорите“ во 50.минута од мечот.
Србија го доби дуелот со Црна Гора со 0:2, благодарение на Душан Влаховиќ. Напаѓачот на Јувентус беше двоен стрелец. Го отвори резултатот во 78.минута, а потоа и го потврди триумфот во 96.минута.
Шведска немаше милост против Азербејџан и славеше со 5:0, а Австрија со пресврт ја победи Естонија со 2:1.
Чешка не успеа да слави на гости во Кишињев против Молдавија и ремизираше без голови, а Полска ја победи Албанија со 1:0, со голот на Карол Свидерски. Унгарците беа убедливи и со 3:0 победија против Бугарија.
Холандија очекувано го победи Гибралтар со 3:0.
Спорт
Нагелсман ќе го почека отказот на Грем Потер и сака да раководи на „Стемфорд бриџ“

Раководството на Челси го посакува германскиот тренер Јулијан Нагелсман, откри новинарот на „Скај Германија“, Флоријан Плетенберг.
Доколку Потер не успее да постигне подобри резултати со Челси до крајот на сезоната, Тод Боели ќе го разреши. „Сините“ сакаат да му дадат поддршка, тоа го потенцираа неколку пати, но сега дојде моментот кога Челси треба да влезе во серија на позитивни резултати.
Реал Мадрид ќе биде тешка пречка за нив во четврт-финалето од Лигата на шампионите. Тешко е да се поверува дека преку Премиерлигата би можеле да стигнат до ова натпреварување за следната сезона бидејќи моментално се на десеттото место со 38 бода.
Нагелсман веднаш доби понуда и од градскиот ривал Тотенхем. Тој е отворен и за тренерското место во тој клуб, но бидејќи Челси во моментов е финансиски помоќен и е во тек нов проект, Германецот многу лесно би можел да избере да дојде на „Стемфорд бриџ“.
Спорт
Калулу го пропушта дербито против Наполи

Францускиот интернационалец Пјер Калулу ќе го пропушти дербито на Милан против Наполи, лидерот во Серија А, поради повреда на потколеницата. Во соопштението, „росонерите“ велат дека централниот дефанзивец за една недела ќе биде подложен на дополнителни прегледи, но дефинитивно е во аут за дуелот со „наполитанците“.
Калулу се повредил за време на настапите за младата репрезентација на Франција до 21 година.
Милан и Наполи во април ќе се сретнат и во италијанското четвртфинале во Лигата на шампионите.