Спорт
Бруно Фернандеш го погоди 18-тиот пенал во низа

Навивачите на Манчестер Јунајтед не мораат да чекаат топката да влезе во мрежата по ударот од 11 метри за да слават погодок. Доволно е Бруно Фернандеш да ја постави топката на белата точка и веќе се знае – тоа е гол.
Откако во јануари дојде кај „ѓаволите“, Португалецот има пенал скор 7 од 7, а непогрешлив беше и синоќа во 95 минута на мечот со ФЦ Копенхаген.
Додека сите го очекуваа карактеристичниот скок пред да ја шутне топката, 25-годишниот играч од средниот ред реши да ја смени тактиката. Шутираше брзо и го совлада голманот на данскиот тим.
Фернандеш во моментов е меѓу најдобрите пеналџии, против Копенхаген погоди по 18-ти пат во низа.
Од 29 пенали изведени во кариерата, само двапати бил непрецизен и тоа во 2018. година против нисколигаш во Купот на Португалија во дресот на Спортинг и пред тоа, во дресот на Удинезе на мечот со Наполи, во 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Голманот на Барселона сигурно ќе го пропушти првото Ел Класико

Новото засилување на Барселона, голманот Жоан Гарсија, ќе го пропушти првото Ел Класико оваа сезона.
Шпанецот го повреди менискусот на коленото во мечот со Овиедо минатиот месец и мораше да оди на операција.
„Сè оди добро, но ќе се вратам за околу еден месец“, изјави Гарсија.
Тоа значи дека Барселона ќе продолжи да смета на Војчех Шчесни на голот.
Шпанските медиуми јавуваат дека ќе ги пропушти натпреварите со Жирона, Олимпијакос, Реал Мадрид, Елче, Бриж и веројатно Селта. Реално се очекува да се врати за мечот со Атлетик Билбао на 23 ноември, по следната репрезентативна пауза.
Спорт
Нови главоболки за Мареска: Се повреди и Енцо Фернандез

Нови кадровски проблеми за менаџерот на Челси, Енцо Мареска. Аргентинецот Енцо Фернандез се враќа во Лондон повреден.
Тој се повреди на репрезентативниот собир и сè уште не е познато колку ќе паузира. Ова е голем проблем за Мареска, особено што Кол Палмер е надвор од строј до почетокот на ноември, а одбраната исто така е сериозно ослабена.
Надвор од игра се и Тосин Адарабиојо, Беноа Бадијашил, Весли Фофана, а Леви Колвил ја заврши сезоната уште летоска по тешка повреда на колено.
Сега останува да се види што ќе смисли Мареска по репрезентативната пауза и на кого ќе може да смета за натпреварот против Нотингам Форест, а потоа и против Ајакс и Сандерленд на „Стемфорд Бриџ“.
Спорт
Нотингем Форест веќе го пронајде наследникот на Постекоглу

Англискиот премиерлигаш Нотингем Форест веќе бара замена за менаџерот Анге Постекоглу. Главен кандидат е Шон Дајш, јавуваат британските медиуми.
Дајш е поранешен играч од академијата на клубот и живее во градот. Има големо искуство со тимови во Премиер лигата. Последно го водеше Евертон, но беше отпуштен по завршувањето на минатата сезона и сега е слободен за нов предизвик.
Постекоглу беше назначен на 9 септември, но сè уште нема победа во седум последовни натпревари. Трпението на сопственикот Евангелос Маринакис е при крај.
Двата натпревари по репрезентативната пауза ќе бидат клучни. Нотингем Форест ќе игра против Челси во Премиер лигата и против Порто во Лига Европа на „Сити Граунд“.