Спорт
Брутални партии на Јокиќ, Леброн и Едвардс

Тројца кошаркари: Никола Јокиќ, Леброн Џејмс и Ентони Едвардс ја обележаа изминатата ноќ во НБА лигата, Јокиќ имаше трипил дабл, а Џејмс и Едвардс постигнаа прреку 40 поени во победите на своите тимови..
Јокиќ со трип-дабл го предводеше Денвер до победата над Орландо со 112:90. Јокиќ запиша трипл-дабл
Јокиќ, не играше во последната четвртина, а го заврши натпреварот со трипл-дабл од 28 поени, 10 скока и 12 асистенции. Ова е негов 172. трипл-дабл во кариерата (се рачунаат и мечевите во плејофот), 24. оваа сезона. Портер придонесе со 30 поени. Картер против Орланд постигна 19 поени.
Лејкерси се уште го чекаат дебито на Лука Дончиќ, а додека чекаат бележат триумфи. Така беше синоќа, тие го совладаа Голден Стејт Вориорс со 120:112. Леброн Џејмс одигра брутален натпревар со 42 поени, 17 скока и осум асистенции, додека Кари постигна 37 поени за гостите, постигна шест тројки од 20 обиди.
Минесота на домашен терен го победи Хјустон со 127:114, предводена од Едвардс, кој постигна 41 поен како гостин.
Далас го изненади актуелниот шампион. Во Бостон Маверикс славеа со 127:10. Клеј Томпсон потсети на најдобрите денови, уфрли со 25 поени, Динвиди додаде 22 поени. Браун постигна 25 поени за Бостон.
Триумф против Сакраменто забележа и Портланд со 108:102 со 30 поени на одличниот Симонс.
Индијана на гости го совлада ЛА Клиперс со 199:112, а за победничкиот тим незапирлив беше Сијакам, кој постигна 33 поени и додаде 11 скока. Дабл-дабл кај Клиперси имаше Ивица Зубац со 18 поени и 15 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Але официјално се врати во Утрехт

Репрезентативецот на Брегот на Слоновата Коска, Себастијан Але, ја напушти Борусија Дортмунд и денес потпиша договор со холандскиот клуб Утрехт.
Кратко по пристигнувањето во Борусија во 2022 година, за време на тренинг му беше дијагностициран тумор на тестисите, што бараше две операции и хемотерапија. Тој се врати на теренот по само шест месеци.
Во сезоната 2022/23, Але постигна девет гола во Бундеслигата. Минатата сезона беше позајмен во шпанскиот Леганес, а потоа во Утрехт, каде што постигна шест гола на 18 натпревари и му помогна на тимот да заврши четврти во Ередивизие и да се квалификува за Лигата на Европа.
Але сега се враќа во познато окружување, каде што ја започна својата кариера пред десет години, и потпиша нов договор со Утрехт.
Утрехт е на седмото место на табелата во холандското првенство со три бода.
Foto/ EPA
Спорт
Пеко полека го губи трпението со Дукати

Италијанскиот возач на Дукати во шампионатот на Мото ГП, Франческо Бањаја, испрати порака до лидерите на својот тим дека полека го „губи трпението“.
Франческо Бањаја е двократен светски шампион во Мото ГП и прв возач по Кејси Стонер кој му го донесе шампионскиот трофеј на „црвениот“ италијански тим.
Оваа сезона, Пеко вози многу послабо отколку во претходните години, додека неговиот тимски колега, Марк Маркез назапирливо ита кон шампионската титула во Мото ГП.
Бањаја стартуваше од третата позиција во Австрија и заврши на скромната осма позиција, додека Маркез стартуваше од четвртото место и победи во Шпилберг.
Франческо верува дека проблемот не е во него и неговото возење и му порача на Дукати:
„Сè што се случува цела година се случи на трката во недела. Се борам и давам се од себе, но овој пат тоа значеше позиција број осум. Победникот на трката победи со време со кое победив јас минатата година. Имам тој потенцијал. Не знам зошто ништо не ми функционира. Марко Бецеки и Марк Маркез прават сè подобро од мене. Доцнев 12 секунди на патека каде што секогаш правев разлика и не го разбирам тоа, навистина не го разбирам. Се обидував но сите ме заобиколуваа во кривините. Дукати мора да ми го објасни тоа, но ми снемува трпение“, рече искрениот Франческо Бањаја.
Спорт
„Новак е најголемиот спортист во историјата“

Трикратниот вицешампион на Гренд слем турнирите, Каспер Руд е убеден дека Новак Ѓоковиќ е најголемиот… не тенисер, туку и спортист на сите времиња.
Руд и Ѓоковиќ се сретнаа во финалето на Ролан Гарос, кога Новак победи во три сета, а вкупниот резултат меѓу нив е 5-1.
„Новак е најголемиот спортист во историјата. Не сакам да споредувам спортови, бидејќи е глупаво, но ако го споредите Новак со Том Брејди, на пример… Брејди е Г.О.А.Т, да не ме разберете погрешно, но атлетски, Новак би го скршил на повеќето физички тестови…“ вели Руд, сега 12-ти на АТП листата, и додава:
„Добро, Леброн можеби ќе го „растури“ Новак во некои физички аспекти, но за мене, Новак е најголемиот спортист што некогаш живеел.“
Ѓоковиќ и Руд наскоро ќе се сретнат во Њујорк, каде што ќе се игра последниот Гренд слем во сезоната од 24 август.
Ждрепката е закажана за четврток.