Кошаркарите на Бостон Селтикс, во неделниот матине термин во САД, славеа победа во дуелот со Денвер Нагетс 110:103.

Селтикс во „Ти Ди гарден“, водеа во речиси целиот тек, неколку пати имаа предност и од 20 поени. Денвер трепеливо ја топеа разликата, во еден момент се доближија на три поени, но не успеаја да направат целосен пресврт. Клуни за конечниот исход беше периодот од 39. до 41.минута кога при водство на Бостон од пет поени, Денвер не реализира четири последовни напади.

Џејлен Браун беше најефикасен кај Бостон со 22 поени, Ал Хорфорд постигна 19, Дерик Вајт 17 и Џејсон Тејтум 16.

Најефикасен во редовите на Денвер беше Џамал Мареј со 26 поени (22 поестигна во второто полувреме), Кристијан Браун уфрли 24, а Никола Јокиќ за малку не забележа трипл-дабл, забележа 20 поени, 14 скока и девет асистенции.

Манчестер јунајтед испадна од ФА купот. Во осминафиналето, на домашен терен, Фулам по изведувањето пенали го победи Јунајтед. На „Олд Трафорд“ по 120 минути игра резултатот беше 1:1, а пенал серија Фулам ја доби со 4:3. Апсолутен херој е голманот на Фулам, Бернд Лено, кој во четвртата и петтата серија ги одбрани ударите на Виктор Линделоф и Џошуа Зиркзе.

Гостите први дојдоа до гол во осминафиналето. Во судиското надополнување на првото полувреме, Баси најдобро се снајде и го совлада Онана.

Рубен Аморим направи неколку измени, во вториот дел, прво ги внесе Гарначо и Линделоф, а потоа Оби и Касемиро, а во 71. минута Јунајтед успеа да израмни. Дало испрати повратно додавање од левото крило, а на вистинското место се најде капитенот Бруно Фернандеш кој со лева нога погоди за 1:1.

Регуларниот дел заврши без победник, а во продолженијата не се случи ништо значајно. Најдобрата шанса ја имаше младиот напаѓач на Јунајтед Оби, неговиот удар брилијантно го одбрани Лено во 106.минута.

Во пенал серијата за Јунајтед погодија Бруно, Дало и Касемиро, не реализираа Линделоф и Зиркзе. Кај Фулам сите шутери беа прецизни: Раул Химензе, Берге, Вилија и Робинсон.

Торино победи во Монца 2:0, во 27.коло во Серија. „Биковите“ ја продолжија успешната серија, имаат еден пораз на последните пет натпревари. Монца е во се потешка ситуација, се наоѓа на последното место со 14 поени и речиси и да нема шанси да избори опстанок во лигата.

Победата на Торино ја најави македонскиот репрезентативец, Елиф Елмас во 41.минута. Елмс го постигна својот втор гол во дресот на Торино, откако во јануари пристигна во овој клуб на позајмица од Лајпциг.

Победата на гостите ја потврди Касадеи во 66.минута.