Спорт
Буфон: Јас бев ВАР-системот во финалето на Светското првенство во 2006 година

Џанлуиџи Буфон, легенда на италијанскиот и светскиот фудбал, ја претстави својата нова книга на настан во Торино и одговараше на прашања од новинарите потсетувајќи се на подемите и на падовите од кариерата.
„Темата на книгата е дека да се биде голман е метафора за животот. Паѓаш, стануваш, паѓаш, повторно стануваш. Паѓањата се неизбежни, но важно е да се најде мотивација повторно да се стане“, рече Буфон.
Врвот на неговата кариера беше титулата светски шампион со Италија во 2006 година, освоена по изведувањето пенали против Франција. Финалето на стадионот „Франција“ во Париз ќе остане запаметено по потегот на Зинедин Зидан. Францускиот ас, за кого финалето беше последниот натпревар во националниот тим, со глава во градите го удри Марко Матераци.
Во ерата пред ВАР, Буфон го видел сето тоа во живо, веднаш се стрчал кон судијата да му каже што се случило, што го натерало четвртиот судија да го потврди исклучувањето.
„Во тој момент јас бев ВАР“, се насмеа Буфон. „Мојата реакција и трчањето кон местото на настанот беше клучно за судиите да разберат што се случило. Секако дека никогаш нема да го признаат тоа, но го видоа видеото на мониторите. Јас бев единствениот што видов сè во реално време“.
Буфон беше дел и од италијанската репрезентација која неславно беше елиминирана во групната фаза на Светското првенство во 2010 година во Јужна Африка.
„Бев повреден, па се вратив во соблекувалната и ги најдов сите целосно скршени, со спуштени глави. Селекторот Липи дојде, беше смирен, но и дистанциран. Рече: ‘Луѓе, не е ваша вината, моја е, што како идиот решив да ве донесам овде’. Признавам, отидов под туш за да можам да се смеам на мир“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Комо и Нико Паз одбиле 70 милиони евра од Тотенхем

Нико Паз, Аргентинец роден во Шпанија, постигна гол и запиша асистенција во победата на Комо од 2:0 над Лацио. Неколку часа по завршувањето на вчерашниот натпревар, се појави веста дека тој и Комо одбиле профитабилен трансфер во Тотенхем.
Тотенхем очајно бара офанзивен играч од средниот ред по заминувањето на Сон и повредата на Медисон.
Долго траат преговорите со Манчестер сити за Савињо, Арсенал го „киднапираше“ Езе, па Спарс мора да бараат други решенија.
Се обидоа со Комо со Паз, но не успеаја. Понудија 70 милиони евра, но Комо категорично одби. И фудбалерот не е расположен да ја напушти Италија.
Првенствено затоа што неговите амбиции се поврзани со Реал Мадрид, за што и постои клаузула во неговиот договор.
Имено, Реал може да ја изедначи секоја понуда што Комо ќе ја прифати, а исто така во летото 2026 година, тие имаат право да купат од Комо за само 10 милиони евра.
Сепак, уште порано, „кралскиот клуб“ на џентлмени го информираше Комо дека може да смета на поголема отштета. Фудбалерот никогаш не криел дека желба му е да се врати на „Бернабеу“, па Тотенхем објективно немаше шанси и покрај богатата пнуда да го реализира овој трансфер.
Спорт
Ристовски на „Инстаграм“: Добредојдовте во аматерската Премиер лига (да живее Тито)

Во петтото коло од Премиер лигата на БиХ, Сараево претрпе тежок пораз на гостувањето кај Борац во Бања Лука. Екипата чии дрес го носи поранешниот капитен на фудбалската репрезентација на Македонија, Стефан Ристовски, загуби со 5:1.
Медиумите пишуваат дека натпреварот го обележа судењето на Сабри Топаловиќ. Најмногу контроверзии предизвика поништениот гол на Сараево за 2:2. ВАР процени дека на почетокот на акцијата Михаел Млинариќ играл со рака.
Можете да ја погледнете ситуацијата на видеото од 5:42.
Ситуацијата стана уште покомплицирана во 64-та минута, кога Момоду Џата беше исклучен при резултат 2:1.
Стефан Ристовски ги одигра сите 90 минути за Сараево. По натпреварот објави на Инстаграм: „Добредојдовте во аматерската Премиер лига. (Да живее Тито)“, напиша тој, а набрзо ја избриша објавата. Ристовски јасно го изрази своето незадоволство од судењето.
Фото/ Принтскрин
Спорт
(Видео) Навивачите на Јунајтед бесни на капитенот: Пратете го тој никаквец во Арабија

Навивачите на Манчестер јунајтед ги искажаа своите фрустрации на социјалните мрежи откако Бруно Фернандеш промаши пенал против Фулам.
Капитенот на „црвените ѓаволи“, шутираше високо над голот, што предизвика лавина од коментари и критики на социјалните медиуми. Во дел од коментарите се бара одговорност од лидерот на тимот, некои му порачаа да си змаине.
„Ова е најлошото промашување од пенал што сум го видел. Дали замина на месечината затоа што таму гаѓаше!! Срамно и понижувачки, ова не е доволно добро.“
„Испратете го тој клошар во Арабија“
„Пукаше кон ѕвездите, падна на месечината. Бруно Фернандеш“
„Бруно Фернандеш, ова не е рагби“.
„Манчестер јунајтед мора да продолжи понатаму без Бруно Фернандеш. Тој го носи клубот наназад“
Контроверзноста беше засилена со видео од моментот пред да биде изведен пеналот. Фернандес тврдеше дека судијата случајно го допрел и ја му нарушил рутината, и рече дека отсуството на извинување дополнително го вознемирило. Тој истакна дека промашувањето не се должи на неговата техника на шутирање, но го нагласи психолошкиот ефект бидејќи судијата му ја нарушил рутината.
Натпреварот заврши нерешено 1:1. Јунајтед поведе преку автоголот на Родриго Муниз, а Емил Смит Роу израмни неколку минути по влегувањето во играта.
Фото/ Принтскрин