Спорт
Бугарски измамници ќе го пратат Палермо во Серија Д!

Палермо се блиску до банкрот и до испаѓање во Серија Д, откако еден „лажен брокер“ со бугарска компанија за осигурување требала да гарантира финансиска безбедност. Ова предизвика јавен бунт на навивачите на клубот, по што директорите на клубот мораа да се извлекуваат од состанокот кои тие го закажаа.
Ситуацијата во клубот на македонските репрезентативци Илија Несторовски и Александар Трајковски е толку сериозна бидејќи клубот не успеа да се регистрира за сезоната 2019/20, пропуштајќи го крајниот рок за гаранција на финансиската стабилност. Од клубот признаа дека биле измамени од лажниот брокер.
Ова е само уште една епизода во неверојатната приказна на Палермо, откако прво беа исклучени од баражот за пласман во Серија А и им се закануваше испаѓање во трета лига, пред да добијат казна од -12 поени за новата сезона во Серија Б. Сега, пак, од Италијанската фудбалска федерација (ФИГЦ) велат дека правилата се едноставно и дека Палермо ќе биде официјално банкротиран и ќе мора да почне од почеток од Серија Д.
„Одлуката е едноставна, ќе ги почитуваме правилата. Нема продолжување на рокот“, вели претседателот на ФИГЦ, Габриеле Гравина.
Новите сопственици „Аркус нетворк“, кои го купија тимот од контроверзниот Маурицио Ѕамперини, денеска планираа состанок на бордот на директори, кој е одложен за утре, откако пред стадионот „Барбера“ се собраа навивачите кои протестираат за ситуацијата. Поради ова, директорите мораа да бараат алтернативен излез од состанокот.
#Palermo are in chaos once again, as the club claims it was “defrauded” by fake brokers of a Bulgarian insurance company and is set to go bankrupt https://t.co/DFmeCCXxWN #SerieB #Calcio pic.twitter.com/pjZ1nA1660
— footballitalia (@footballitalia) June 25, 2019
Chaos between Palermo & Serie B ?♂️- we’ll keep y’all updated ?♂️ pic.twitter.com/rYWCE943zW
— Italian Football TV (@IFTVofficial) June 24, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Еврогол ја елиминира Црвена звезда од Лигата на шампиони

Црвена звезда не успеа да избори пласман во Лигата на шампионите. Сроскиот првак во плеј офот доживеа елиминација од Пафос. Кипраните славеа со вкупни 3:2.
Поразот и лошата игра во Белград, кога Пафос победи со 2:1, скапо ги чинеше црвено-белите,
Во реваншот, не блескаа но го исконтролираа првото полувреме. Во вториот дел играчите во црвено-бели дресови притиснаа од сите страни. Иницијативата ја материјализираа во 60.минута, кога Иваниќ со малку среќа погоди за 0:1.
Црвено-белите имаа шанса во 80.минута да го постигнат вториот гол, а кога се подготвуваа за продолженија ги нокаутира Жажа кој во 89.минута постигна нестварен гол.
Во преостанатото време речиси и да не се играше, Кипраните започнаа со провокации, имаше инцидент на влезот на тунелот па резултатот остана 1:1.
Пафос сезонава ќе дебитира во Лигата на шампионите, а Црвена звезда продолжува во Лига Европа.
Foto/ EPA/SAKIS SAVVIDES
Спорт
(Видео) ФИБА ги казни тепачите од Аргентина и Доминиканска република

Светската кошаркарска федерација (ФИБА) изрече суспензии и казни по натпреварот помеѓу Аргентина и Доминиканската Република на Купот на Америка.
Сликата на Гонзало Бресан како го напушта теренот облеан во крв по тепачката помеѓу играчите на двете репрезентации го засени натпреварот.
Тензиите што се создаваа за време на натпреварот избувнаа по последниот звук на сирената.
Инцидентот кулминираше мешу Дејвис-Џонс и Бресан, по што се вмешаа и останатите од двата тима.
ФИБА ги суспендираше двајцата на по два натпревари. Аргентинците Франциско Кафаро и Хуанпи Волет беа суспендирани на по еден натпревар, а тренерот Пабло Приџони беше казнет со 2.000 швајцарски франци. Аргентинската федерација ќе мора да плати 20.000 франци.
Во Доминиканската Република, Хуан Гереро и Хуан Суеро беа суспендирани на по еден натпревар, додека Анхел Делгадо е условно суспендиран на еден натпревар.
Tremenda trifulca luego del fin del partido donde República Dominicana venció a Argentina en tiempo extra. pic.twitter.com/PW9MHqbI8L
— 8DeportivoTN8 (@8DeportivoTN8) August 24, 2025
Pablo Prigioni's Argentina fights rival Dominican Republic after FIBA loss
2 years ago the DR kept Argentina out of the World Cup
Prigioni in 🇦🇷 huddle calls St John's 🇩🇴 Joel Soriano "the fat guy who can't move"🤣
Spurs David Jones-Garcia (#8🇩🇴blue) is provoked, throws down🥊 pic.twitter.com/d8BqnJmoGS
— New York Basketball (@NBA_NewYork) August 25, 2025
Спорт
(Видео) Каират го елиминира Селтик, ќе игра во Лигата на шампионите

Фудбалерите на Каират направија големо изненадување, први што се квалификуваа за Лигата на шампионите од клубовите кои се бореа за место во елитното европско натпреварување преку квалификациите.
Во плејофот, шампионот на Казахстан беше подобар од шампионот на Шкотска, тимот на Селтик. Откако првиот натпревар во Глазгов заврши нерешено 0:0, во реваншот во далечниот Алмати (6.000 км воздушно растојание помеѓу Глазгов и Алмати) резултатот по регуларните 90 плус дополнителни 30 минути гласеше идентично 0:0, а по изведувањето на пенали, фудбалерите на Каират славеа со 3:2.
Херој беше 21-годишниот голман Темирлан Анарбеков, тој им одбрани три пенали на играчите на Селтик и му го трасираше патото на својот тим во главната фаза од Лигата на шампионите.
Каират стана вториот тим од Казахстан кој стигна до главната фаза од Лигата на шампионите. Претходно тоа и успеа на Астана во сезоната 2015/16.
Фото/ Принтскрин