Спорт
Цело градче во Гана навива за Астон вила

Градчето Џуабен во африканската држава Гана е познато по своите фудбалски фанови. Поточно, по фановите на еден англиски клуб, Астон вила од Бирмингем, на над 7.500 километри од западна Африка.
Кога игра нивниот омилен клуб (сега за среќа во Премиер лигата), тие стануваат во 5 часот наутро, ги облекуваат своите дресови и почнуваат танците, песните и марширањето на улиците на градот. Од 48.338 жители на малиот град, во него има над 1.000 фанови на Вила.
„Секоја недела наутро имаме рутина. Мораме да бидеме фит и подготвени за песна, па затоа вежбаме, по што пееме над три часа. Кога ќе се вратиме од вежбање, ги пееме имињата на фудбалерите кои играат за Вила. Претходно многу луѓе навиваа за Челси, Манчестер јунајтед или Барселона. Сега, сите ни се приклучуваат и мислат само на Вила“, вели 21-годишниот Овусу Боакје Амандо, основачот на навивачката група „Гана лајонс“ за британскиот весник „Дејли мејл“.
Како започна оваа љубов за клуб кој не освоил трофеј од 1996 година? Овусу вели дека се работи за неговиот дедо и за еден легендарен фудбалер на Вила.
„Мојата љубов за Астон вила е од детството. Мојот дедо постојано зборуваше за фудбалерите, но само еден го нарекуваше Бог. Еден ден го прашав и тој ми кажа дека има еден Бог, но Бог во фудбалот е исто така еден и се вика Пол Мекграт“, вели Овусу.
61-годишниот Мекграт е поранешен ирски репрезентативец, кој играше на позицијата одбранбен играч, и го сметаат за еден од најдобрите ирски фудбалери во историјата. По настапите за Манчестер јунајтед, поголем дел од кариерата тој помина во Астон вила, за која имаше 253 настапи.
Врската со клубот не е заборавена. Поранешниот фудбалер на Вила, а сега тренер на младинскиот тим, Џорџ Боатенг минатата година го посети селото и планираше да ги донесе на турнеја на „Вила парк“ но пандемијата на КОВИД-19 ги попречи плановите, иако за иницијативата пари дадоа Џек Грилиш и Тајрон Мингс.
I don’t know Arsenal. I don’t know Arsenal. I know Villa. I know Martinez. I know Watkins. pic.twitter.com/OvgcTN9cxH
— Ghana Lions AVFC (@AvfcGhana) February 6, 2021
I don’t know Arsenal.This Arsenal fan joined our chants. I know Villaaaaaaaaaa. pic.twitter.com/oeHsgtTojJ
— Ghana Lions AVFC (@AvfcGhana) February 6, 2021
We love football and it’s football that unite us. Help the Ghana Lions Fund a Football Pitch! #AVFC https://t.co/FWiMOO4yNU
— Ghana Lions AVFC (@AvfcGhana) February 5, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи донесе уште еден Бразилец

Бразилскиот фудбалер Естевао Вилијан официјално стана нов член на Челзи, објави англискиот клуб.
Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.
„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.
Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2:1.
Бразилскиот фудбалер дебитираше за сениорската репрезентација во септември минатата година, за која одигра пет натпревари.
На 17 август, Челзи ќе игра против Кристал Палас во првото коло од Премиер лигата.
Спорт
Астон Вила се засили со напаѓач на Ница

Астон Вила одлучи да доведе нов напаѓач, изборот на клубот е Еван Гесан.
Напаѓачот на Ница, кој има 24 години, е роден во Франција, по потекло од Брегот на Слоновата Коска.
Одиграл 109 натпревари за Ница, постигнал 21 гол и забележал 15 асистенции, но тоа не ги покажува сите негови вредности, бидејќи може да игра на сите позиции во нападот.
Вакво засилување му беше многу потребно на Унаи Емери, бидејќи Астон Вила не ги откупи договорите на Маркус Рашфорд и Марко Асенсио.
На Астон Вила очајно ѝ е потребна силна напаѓачка ротација, под услов Оли Воткинс даостане. Воткинс, според англиските медиуми е цел на Манчестер јунајтед и Њукасл. Неговата иднина зависи од одлуката на Бенјамин Шешко, за чии услуги исто така интерес покажуваат споменатите клубови.
Фото/ Принскрин
Спорт
(Видео) Карабаг ја победи Шкендија, ВАР пенал им пресуди на македонските шампиони

Foto/ EPA/GEORGI LICOVSKI
Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0:1.
Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.
Најстрогата казна ја реализира Бајрамов.
Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.
Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.
Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uzljk”,”div”:”rumble_v6uzljk”});