Ждрепката ги спои Манчестер јунајтед и Њукасл, финалистите од минатата сезона, во осминафиналето, во англискиот Лига куп. Во оваа фаза, интересна ќе биде и пресметката на ривалите од Лондон, Вест Хем и Арсенал.

Манчестер јунајтед, во февруари, го победи Њукасл со 2:0 во финалето на Лига купот на „Вембли“.

Њукасл синоќа го победи Манчестер сити со 1:0 во 1/16 финалето од Лига купот, додека Манчестер јунајтед пред два дена го елиминираше Кристал Палас со 3:0.

Осминафинални двојки:

М. Јунајтед – Њукасл
Менсфилд – Порт Вејл
Ипсвич – Фулам
Борнмут – Ливерпул
Челзи – Блекбурн
Вест Хем – Арсенал
Евертон – Барнли
Ексетер – Мидлсброу

Натпреварите од осминафиналето во Лига купот ќе се одиграат на 30 октомври.

Foto/ EPA

Тренерот на Реал Мадрид, Карло Анчелоти реагираше на коментарите на директорот на Атлетико Мадрид, Мигел Анхел Хил Марин.

Директорот на „јорганџиите“ го обвини „кралскиот клуб“ дека врши притисок врз судиите.

Во меѓувреме, Реал Мадрид објави видео во кое ги истакна воочените грешки на судиите на штета на Реал во дербито против Атлетико. Во неделата, Атлетико го победи Реал со 3:1 и му го нанесе првиот пораз во новата сезона.

За сето ова Анчелоти беше прашан по мечот со Лас Палмас на стадионот „Сантијаго Бернабеу“ (2:0).

„Не обрнувам внимание на тоа што вели сопственикот или претседателот на Атлетико. Прашањето што треба да го поставиме е дали судиите се чувствуваат погодени. Едноставно велам дека тој направи огромна грешка. Никој не е совршен“, рече Анчелоти.

Реал Мадрид моментално е втор на табелата со 18 бодови, еден помалку од лидерот Џирона и осум повеќе од Атлетико кој со два натпревари помалку се наоѓа на седмото место.

Foto/ EPA

Манчестер сити го заврши учеството во Лига купот на Англија. На гостувањето кај Њукасл, екипата на Пеп Гвардиола доживеа пораз 1:0. Решавачкиот гол го постигна Александар Исак во 53. минута.

Сити има уште три натпреварувања во кои може да ја освои титулата. Гвардиола по елиминацијата од Лига купот тврди дека четири титули во тековната сезона не биле ниту цел на клубот, а евентуалните титули од Премиер лигата, Лигата на шампионите и ФА Купот би биле многу задоволителен резултат. .

„Мислите дека целта беше четири титули? Искрено, тоа не беше нашата цел. Ќе бидеме повеќе од задоволни со тројната круна. Нашите очекувања се големи, но не толку високи за да не се задоволиме со три титули“, изјави Гвардиола по натпреварот.

Менаџерот на Сити, против Њукасл играше со комбиниран тим. На клупата останаа Ерлинг Халанд, Рубен Диас, Кајл Вокер… Тој беше прашан дали имал намера да ги внесе во текот на натпреварот.

„Не. Мислам дека Кајл и Ерлинг веќе одиграа многу минути, а ни претстојат уште многу натпревари“.

Foto/ EPA