Спорт
Чави: Би го прашал Лахоз зошто сè излезе од контрола
Барселона и Еспањол одиграа нерешено (1:1) на „Камп Ноу“, на последниот ден од годината. Натпреварот беше хаотичен, најмногу по заслуга на судијата Матеу Лахоз, кој покажа вкупно 15 жолти картони, а поради две опомени Џорди Алба и Соуза добија црвени картони.
„Ние сме виновни за резултатот. За нас беше важно да ја завршиме годината со позитивен резултат. Вистина е дека и понатаму сме лидери на табелата заедно со Реал, но ние самите сме виновни што загубивме два бода“, изјави Чави по мечот.
„Играчите ме следат, ако мислев дека е поинаку, ќе си заминам. Денес сите сме лути на самите себе. И не може да биде поинаку. Мора да се лутиш кога резултатот е неконзистентен со она што си го прикажал на теренот, но таков е фудбалот“, додаде тренерот на Барселона.
Тој го коментираше и судењето на Антонио Матеу Лахоз.
„Доколку Лахоз реши да разговара, би го прашал зошто дозволи играта да излезе од контрола. Судиите кои решаваат да разговараат и даваат човечки карактер на својата работа“, рече меѓу другото Чави по целиот циркус што го гледавме на „Ноу Камп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешен италијански фудбалер пронајден мртов во хотел по забава со пријателите
Поранешниот италијански фудбалер Андреа Капоне (43) е пронајден мртов во хотел откако се забавувал со пријателите. Од полицијата засега информираат дека смртта била ненадејна, а се сомневаат дека е повреда на вратот поради пад.
„Газета дело Спорт“, пишува дека Капоне бил на вечера и забава со пријателите, а следното утро бил пронајден во несвест. Брзата помош се обидела да го оживее.
Капоне е поранешен играч од средниот ред кој поголемиот дел од кариерата го помина во Каљари. Кариерата ја започна во 1998 година, а ја заврши во 2010. Играше и за Сора, Тревизо, Виченца, Гросето и Салернитана, кој беше неговиот последен клуб.
Спорт
(Видео) Мурињо заработи жолт картон поради лаптопот
Фудбалерите на Фенербахче како гасти славеа над Аланија со 2:0. По овој натпревар Фенербагхче се вторио на табелата со 16 поени, три помалку од Галатасарај.
Натпреварот го обележа Жозе Мурињо кој смисли нов начин како да го испровоцира главниот судија и да добие жолт картон.
Во 78.минута, незадоволен од една судиска одлука, темпераментниот Португалец, пред една од камерите на лаптоп ја пушти според него спорната ситуација.
Главниот судија Џихан Ајдин, веднаш му покажа жолт картон.
Фенербахче победи со головите на Душан Тадиќ во 63. минута и Кевин Талисон (автогол) во 81. минута.
Jose Mourinho got booked for showing the TV Cameras the referee’s bad decision on his laptop pic.twitter.com/JLCKTsb0M7
— Troll Football (@TrollFootball) September 29, 2024
Спорт
(Видео) Лудница во дерби „Мадрилењо“ – Кореа во 95.минута не дозволи Реал да слави над Атлетико
Фудбалерите на Атлетико и Реал одиграа 1:1 во градското дерби во во осмото коло од шпанската Ла Лига.
Ниту еден од тимовите не го искористи на најдобар можен начин вчерашниот пораз на Барселона од Осасуна.
Актуелниот шампион сега е на втората позиција со 18 бодови, три помалку од Барса, додека Атлетико е трет со 16 бодови на своето конто.
Вечерва во „мадрилењо“ имаше бууквално се. Натпреварот се играше во високо темпо, Реал беше за нијанса поконкретен, но играчите на Карло Анчелоти сите добри шанси ги имаа кога шутираа надвор од шеснаесетникот. Атлетико добра шанса имаше во раната фаза од натпреварот, кога ударот на Алварез го одбрани Куртоа, а потоа во последните десетна минути домаќинот креираше неколку опасни акции.
Дербито за малку ќе го решеше Едер Милитао во 64. минута, со гол кој пристигна по акција од сомнително досуден слободен удар. Пет минути по постигнатиот гол судијата ги испрати играчите во соблекувалната.
Домашните навивачи паднаа на малата провокација од голмаот Куртоа (во кариерата има одиграно 111 натпревари за Атлетико). Тие фрлаа со запалки кон голманот на Реал.
Madrid derby suspended because Atletico Madrid fans were throwing objects at Courtoispic.twitter.com/BK0fhUQwif
— Total Football (@TotalFootbol) September 29, 2024
Делириум на „Сивитас Метрополитано“ предизвика голот на Анхел Кореа во 95.минута. Голот најпрвин беше поништен, но од ВАР собата потврдија дека Аргентинецот не бил во офсајд.
Кореа како и Милитао го постигна својот прв гол во градските пресметки. Интересно, ова е негов 55. гол во дресот на Атлетико, а кога тој бил стрелец „јорганџиите“ никога не загубиле натпревар.
На крајот во последниот напад на Реал црвен картон доби Маркос Љоренте поради грб старт врз Фран Гарсија.