Џирона размислува да повлече сензационален потег во зимскиот преоден рок. Клубот сака да се обиде да го ангажира Марк-Андре тер Штеген. Иако станува збор за исклучително сложена операција, клубот е подготвен да направи сè за да ја истражи дури и најмалата шанса за реализација на овој трансфер.

Клубот итно има потреба од ново име на голманската позиција, а германскиот репрезентативец, со своето искуство и квалитет, совршено се вклопува во профилот на играч кој би можел да ја сврти сезоната.

„Астон Вила исто така покажа интерес за Тер Штеген поради ситуацијата со Емилијано Мартинез“, пишува „Мундо Депортиво“.

Од спортска страна, работата е јасна, се разгледува само позајмица, сценарио кое Барселона веројатно би го прифатила со оглед на моменталниот статус на голманот.

Сепак, најголемата пречка е неговата плата. Џирона не може да ја покрие платата на германскиот голман, која е далеку над платите на останатите играчи во тимот и тешко се вклопува во буџетот.

Сепак, Џирона има неколку адути. Клубот ја разгледа ситуацијата и дозна дека Тер Штеген е отворен да ја разгледа оваа опција. Близината на Барселона, каде што живее со своето семејство, ја прави Џирона привлечна дестинација доколку одлучи да го смени клубот во потрага по минутажа.

Редовното играње е клучно за да остане сериозна опција за германската репрезентација на претстојното Светско првенство, што е важен фактор во неговата одлука.

Сценаријата за реализиција на трансферот се јасни, но тешки. Или Тер Штеген ќе се согласи на драстично намалување на платата за време на шестмесечниот позајмица, или Барселона ќе мора да го преземе поголемиот дел од неговата плата.

Џирона има стабилни финансии, но со оглед на тоа што тимот е во зоната за испаѓање, принуден е рационално да ги распределува ресурсите и да го даде приоритет на поширокиот пазар.

Доколку трансферот се реализира, Германецот нема да има потреба од период на прилагодување. Тренерот Мичел веднаш би му ја доверил позицијата прв голман. Иако денес оваа работа изгледа како далечен сон, во Џирона се свесни дека ваква можност не не смеат да пропуштат.

Foto/ depositphotos

Реал Мадрид, по завршувањето на сезоната ќе донесе најмалку еден централен дефанзивец во тимот. Челниците на „кралскиот клуб“ се принудени на ваков потег, бидејќи нема да им понудат нови договори на Давид Алаба и Антонио Ридигер, додека Едер Милитао не може да фати континуитет поради честите повреди во изминатите три сезони.

Реал има план да ги поремети плановите на најголемиот ривал, Барселона. „Билд“, тврди дека во летниот преоден рок, Реал ќе се обиде да го донесе Нико Шлотербек, од Борусија Дортмунд. За германскиот репрезентативец, неодамна во суперлативи говореше тренерот на Барселона, Ханси Флик.

26-годишниот има договор со Борусија Дортмунд до 2027 година, клубот за него помеѓу 60 и 70 милиони евра.

Реал има план како да ја намали сумата што ја бараат во Дортмунд. Наводно, подговтиле фиксен дел од 35 милиони евра и подготвеност во Дортмунд да испрата двајца талентирани играчи од својата академија.

Foto/ depositphotos

По девет години во Мекларен, Ландо Норис конечно ја освои титулата светски шампион во Формула 1. Британецот признава дека поддршката од неговите колеги и легенди на мотоспортот во клучните моменти била клучна.

„Кога бев во најлоша состојба, Кејси Стонер ми ја испрати пораката: „Верувај во себе и направи го тоа“, и тоа навистина ми помогна“, рече Норис, истакнувајќи ја важноста на поддршката и советите од Луис Хамилтон, Себастијан Фетел и другите светски шампиони.

Сепак, смиреноста и беспрекорно извршената стратегија на Мекларен во последната трка во Абу Даби му овозможија да заврши трет на патеката „Јас Марина“, доволно за да го обезбеди шампионскиот трофеј.

„Понекогаш два бода се сè што ви треба. Благодарен сум им на сите околу мене“, додаде Норис.

Foto/ depositphotos