Фудбалерот на Монца, Даниеле Малдини дебитираше за италијанската репрезентација во Удине, на натпреварот против Израел (4:1) во четвртото коло од групата А2 на Лигата на нации.

Даниеле е трета генерација на семејството Малдини кој дебитирач за сениорската репрезентација. Претходно, неговиот дедо Чезаре и таткото Паоло беа репрезентативци на „Аѕурите“.

23-годишниот Малдини дебитираше во 73.минута кога влзе на местото на Џакомо распадори.

Локалните медиуми јавуваат дека ова е првпат во историјата дедо, татко и син, односно три генерации фудбалери од едно семејство да играат за италијанската репрезентација.

„Неверојатно, позитивно чувство. Среќен сум што добив шанса да дебитирам. Драго ми е што моите родители имаа можност да го следат натпреварот од трибините. И на крајот најважно е што победивме“, изјави Малдини по мечот.

Даниеле Малдини како и неговите дедо и татко започна во Милан, играше како позајмен во Специја и Емполи, а од пваа сезона е во Монца. Тој во јули годинава потпиша двегодишен договор со Монца.

Неговиот татко Паоло Малдини играше за првиот тим на Милан од 1984 до 2009 година. Паоло Малдини за италијанската репрезентација играше од 1988 до 2002 година на 126 натпревари и постигна седум голови.

Дедото на Даниеле, Чезаре, во кариерата играл за Триестина, Милан и Торино, додека за италијанската репрезентација одиграл 14 натпревари од 1960 до 1963 година. Чезаре Малдини почина во 2016 година.

Сер Алекс Фергусон, менаџер на Манчестер јунајтед во најславната ера на клубот од „Олд Трафорд“, повеќе нема да биде дел од „црвените ѓаволи“ ниту во својство на амбасадор.

Косопственикот на клубот Сер Џим Ретклиф, директор на нафтената компанија Инеос, неформално го известил легендарниот 82-годишник дека повеќе нема да биде на платниот список, пишува „Атлетик“.

Причина за ваквиот потег е намалувањето на клупските трошоци.

Фергусон ги водеше „црвените ѓаволи“ од клупата од 1986 до 2013 година, освои 13 титули во Премиер лигата, пет ФА Купови и два трофеи во Лигата на шампионите.

По неговото заминување, започна лошиот период за навивачите на гигантите од Манчестер, кои од заминувањето на Фергусон не успеаја да ја освојат шампионската титула.

Скандалозното однесување на навивачите на двете репрезентации го обележа крајот на натпреварот од четвртото коло од Лигата на нации, во кој Унгарија во Зеница ја совлада Босна и Херцеговина со 2:0.

Во еден момент навивачите на двете репрезентации скандираа „Убиј го Србинот“, по што ги извикуваа имињата на своите земји.

Видеото од стадионот набрзо беше објавено социјалните мрежи, а очевидците тврдат дека унгарските навивачи се тие кои го започнале скандирањето.

Се уште се чека на реакцијата на УЕФА која ќе го има последниот збор дали ќе следат санкции.