Спорт
Чеферин: Натпревари од ЛШ ќе се играат и во САД

Претседателот на УЕФА, Александер Чеферин, потврди дека дел од натпреварите од Лигата на шампионите во иднина може да се играат во САД.
„Да, можно е, почнавме да разговараме за тоа. Финалето во 2025 година ќе се игра во Минхен, а потоа ќе видиме“, потврди Словенецот во подкастот „Men in Blazers“.
„Фудбалот е исклучително популарен во САД. Американците се подготвени да платат големи суми за најдоброто од фудбалот. Ќе го следат европскиот фудбал како што европските љубители на кошарката ја следат НБА“, додаде Чеферин, кој истакна дека САД се „перспективен пазар на иднината“.
„Продажбата на правата за Лигата на шампионите оди многу добро. Што се однесува до САД, спонзорските договори одат така-така, но комерцијализацијата на производот таму е сосема поинаква отколку во Европа. Американците се многу поталентирани во тоа од нас. Навивачите допрва ќе мислат дека „копилињата од Швајцарија“ ги интересираат само пари. Да потсетам, 97 проценти од приходите ние ги враќаме во фудбалот. Секако дека приходот е огромен. Посакувам да беа многу поголеми отколку што се сега. Бев шокиран што финалето на ЕП 2020 го гледаа повеќе луѓе во САД отколку финалето на НБА, а 30 натпреварите од ЕП беа гледани како и Супербоул. Така што мислам дека ни оди добро“, изјави Чеферин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Исак: Кога ветувањата се прекршени, врската не може да продолжи

Вечерва, Александер Исак беше вклучен во најдобриот тим од минатата сезона на Премиер лигата, во изборот на фудбалерите. Шведскиот напаѓач во последните денови е во центарот на трансфер сагата, во која се обидува да го напушти Њукасл и да се пресели во Ливерпул.
Исак долго време молчеше и избегнуваше медиумски настапи, но вечерва објави „стори“ на Инстаграм во која истакна дека Њукасл не ги исполнил ветувањата и дека би било во најдобар интерес на сите страни да се направи промена, односно трансфер. Ја пренесуваме изјавата на Исак во целост:
„Горд сум што бев признат од моите колеги професионалци и вклучен во тимот на Премиер лигата за сезоната 2024/25. Прво, сакам да им се заблагодарам на моите соиграчи и на сите во Њукасл јунајтед кои ме поддржаа на тој пат. Не сум на церемонијата вечерва. Со оглед на сè што се случуваше, не чувствував дека треба да бидам таму.
Долго време молчев додека другите зборуваа. Таа тишина им овозможи на луѓето да ја промовираат својата верзија на настаните, иако знаат дека не го одразува она што всушност беше кажано и договорено зад затворени врати. Реалноста е дека ветувањата беа дадени, а клубот долго време знаеше за мојот став.
Да се однесуваш сега како сега да се појавија проблемите е погрешно. Кога ветувањата се прекршени и довербата е изгубена, односот не може да продолжи. Сега сум тука и затоа промената е во најдобар интерес за сите, не само за мене.“
Ливерпул беше информиран претходно дека Њукасл нема да ја прифати понудата од околу 140 милиони евра. Од Ливерпул изјавија дека нема да испратат нова понуда освен ако Њукасл не го промени својот став.
Спорт
Џон Вол објави крај на кариерата

Американскиот плејмејкер Џон Вол реши да стави крај на кариерата.Пензионирањето го објави на социјалните мрежи.
По 11 сезони во НБА, 34-годишниот плејмејкер рече: „Пензиониран, но не сум готов“.
Вол беше прв пик на драфтот во 2010 година, кога по една сезона во Кентаки под водство на Џон Калипари, заедно со Демаркус Казинс, Ерик Бледс и Патрик Патерсон, пристигна во најсилната лига во светот.
Тој играше за Вашингтон Визардс од 2010 до 2020 година, а потоа играше за Хјустон Рокетс и Лос Анџелес Клиперс, а од 2023 година, Џон Вол нема тим.
Тој беше елитен НБА плејмејкер, прототип на играч од старата школа кој секогаш ќе се стреми прво да асистира и имаше просек од 18,7 поени со 8,9 асистенции, 4,2 скока и 1,7 украдени топки во 647 натпревари во кариерата во НБА.
Во 2019 година, Вол потпиша супермакс договор со Вашингтон, во во краток период доживеа две тешки повреди што го доведоа до депресија и речиси ја завршија неговата кариера уште тогаш.
Фото/ Принтскрин
Спорт
Нов скандал со допинг – Украинка суспендирана на четири години

Украинската атлетичарка Марина Бех-Романчук, вицешампионка на светот во трискок и скок во далечина, е суспендирана на четири години поради допинг, објави Одделот за интегритет на атлетските спортови (АИУ).
„АИУ ја суспендира Марина Бех-Романчук (Украина) за период од четири години, почнувајќи од 13 мај 2025 година, поради присуство/употреба на забранета супстанца (тестостерон)“, се вели во соопштението објавено на мрежата „X“.
29-годишната Бех-Романчук била позитивна на тестостерон, анаболичен стероид, на тест спроведен на 7 декември 2024 година.
Привремено била суспендирана во мај оваа година.
Во својата кариера, таа освоила сребрени медали на светските првенства – во трискок во Будимпешта во 2023 година и во скок во далечина во Доха во 2019 година.
На последното натпреварување, Олимписките игри во Париз во 2024 година, таа се пласираше на 11-то место во трискок.