Спорт
Чех: Зошто Англичаните мораат во изолација, а Шкотланѓаните не?

Англиските фудбалски репрезентативци, Мејсон Маунт и Бен Чилвел се наоѓаат во изолација затоа што биле во близок контакт со заразениот шкотски фудбалер, Били Гилмор. Од друга страна, никој од редовите на шкотскиот национален тим, освен се разбира Гилмор, нема да го пропушти вечерашниот одлучувачки меч (21 часот на „Хемпден парк“) против Хрватска на ЕУРО 2020.
Шкотска и Хрватска во меѓусебниот дуел ќе одлучат која селекција ќе продолжи во осминафинале.
Поранешниот голман на селекцијата на Чешка – Петр Чех е зачуден од оваа одлука за карантин.
„Би замолил некој да ми помогне да разберам како е можно Мејсон Маунт и Бен Чилвел – двајцата со негативни резултати на тест за коронавирус – да мораат да одат во изолација по контактот со Били Гилмор, додека на цел шкотски тим кој со него делел соблекувална, хотел, автобус, авион во текот на патувањето, ресторан и соба за состаноци му е дозволено да игра меч без никакви проблеми само затоа што имал негативен тест. Која е разликата? Тоа е неразбирливо“ – порача Петр Чех.
Инаку во истиот термин додека Шкотска и Хрватска ќе го играат својот дуел, на мегдан на Чешка ќе и застане Англија. Двете селекции имаа по 4 бода од првите две кола во групата Д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бруно промаши пенал, Јунајтед не успеа да победи кај Фулам

Фулам и Манчестер јунајтед одиграа 1:1, во последниот денешен напревар, одигран во рамките на второто коло во Премиер лигата.
Манчестер јунајтед продолжи онаму каде што застана минатата сезона. Ниту скапите засилувања не ја подбрија играта на „црвените ѓаволи“. Кај Фулам, Јунајтед имаше подобри панси но не успеа да му зададе удар на противникот.
Матеуш Куња во првиот дел ја погоди стативата, а во 38.минута капитенот Бруно Фернандеш не реализира пенал. Ужасно шутираше Португалецот, ударот заврши над голот.
Јунајтед успеаја да постигнат гол, во 58.минута по ударот на Јоро, топката го погоди Муниз го смени правецот и заврши во голот.
Фулам изедначи во 73.минута. Стрелец беше Смит-Роу кој нецели 120 секунди претходно влезе во игра.
Спорт
Го избркаа од Марсеј, тој потпиша за Болоња

Младиот англиски крилен играч Џонатан Роу се пресели од Олимпик Марсеј во Болоња.
Роу претходно беше ставен на трансфер листата во францускиот тим откако се степа во соблекувалната цо соиграчот Адриен Рабио, по поразот во Рен.
И двајцата беа суспендирани поради недисциплина, а Роу веќе си најде нов клуб. Овој поранешен играч на Норич одигра десет натпревари за младата репрезентација на Англија и постигна три гола.
Во Болоња ќе има биде замена за Дан Ндоје, кој замина во Нотингем Форест.
Спорт
(Видео) Грилиш како во најдобрите денови, го водеше Евертон до победа над Брајтон

Фудбалерите на Евертон имаа совршено деби на својот нов стадион. По неубедливиот настап и поразот против Лидс во првото коло, играчите на Евертон значително го подобрија впечатокот со победата над Брајтон (2:0)..
Од самиот почеток на натпреварот, Дејвид Мојс на теренот го испрати најзвучното засилување во летниот преоден рок, Џек Грилиш.
Поранешниот играч на Манчестер сити, забележа две аситенции. Во 23-та минута, брилијантно проигра покрај Ендиае, кој со прецизен удар му донесе водство на Евертон.
Уште една магија на Џек Грилиш во 52-та минута, кога му намести гол на Џек Гарнер.
Брајтон можеше да внесе драма во финишот на натпреварот, но Дени Велбек промаши пенал, поточно, голманот Џордан Пикфорд го одбрани ударот од белата точка.
Во следното коло, Евертон ќе гостува кај Вулверхемптон, додека Брајтон има тешка задача пред себе, бидејќи се соочува со Манчестер сити.