Поранешниот италијански фудбалер, Лука Тони член на златната генерација од 2006-та и неговото семејство биле жртви на вооружен грабеж во четвртокот вечерта, во нивниот дом. Екс-напаѓачот на Верона, Баерн и Фиорентина за тоа ја информираше јавноста на Инстаграм.

„Затоа што се вртат разни приказни, сакам да потврдам дека во четвртокот вечерта меѓу 19.30 и 21.30 часот тројца крадци кои имале маски на лицата и биле вооружени го ограбиле мојот дом. Најважното е дека моето семејство е добро и никој не е повреден, иако се под стрес поради трауматичното искуство. Тажно е што крадците украле работи кои имаат сентиментална вредност за мене. Полицијата изврши увид, најверојатно по повик од соседите кои виделе нешто, но камерите не забележале ништо чудно. Ве молам да се почитува приватноста на моето семејство“ напиша 43-годишниот Тони.

Италијанецот е само еден во низата фудбалери кои се ограбени изминатиот период. Сличен проблем имаше и играчот на „виолетовите“, Франк Рибери пред неколку месеци.

Поранешниот играч на Реал Мадрид, Предраг Мијатовиќ за радиото „Cadena SER“ даде своја прогноза пред првиот сезонски „Ел Класико“ двобој кој започнува во 16 часот.

Иако двата тима не се во идеална форма, сепак се чини Реал е во полоша ситуација, по поразите од Кадиз, односно Шахтјор на домашен терен.

„По мене Зидан не е во опасност, без оглед на резултатот во дуелот со Барселона. Мислам дека неговата позиција не е во прашање, ситуацијата во Реал е мирна“ вели Мијатовиќ.

Тој како најголем проблем за „Кралевите“ ја оценува неефикасноста и слабата воиграност пред се поради краткиот период од предсезоната.

„Имиџот на Реал во последно време е слаб. Се надевам дека со Рамос во поставата ќе одиграат одличен меч. Барса е во слична ситуација како и Реал од спортски аспект. Можеби се во мала предност, играат дома и го победија Ференцварош во ЛШ. Реал мора да е внимателен со Ансу Фати. Имам чувство дека Меси е под своето ниво. Не е веќе така млад, но има квалитет да го исфрли мечот од рамнотежа“ смета Црногорецот.

Босанскиот фудбалер од средниот ред, Миралем Пјаниќ денеска го очекува првото „Ел Класико“ во кариерата откако летоска по 9 години поминати во Серија А ја засили екипата на Барселона.

Секогаш во суперлативи зборуваше за престојот во Јувентус, но впечатокот му го расипа Маурицио Сари кој на крајот на минатата сезона беше сменет од кормилото на „Старата дама“.

На Пјаниќ не му се допаѓала ниту играта, ниту тренинзите под водство на Италијанецот.

„Она што и ден денес ме разочарува е што Сари немаше доверба во своите луѓе. Неговата лоша проценка на луѓето останува најлошиот аспект. Секој играч во таа соблекувална на Јуве секогаш ќе даде се од себе за екипата, за клубот. Ако тренерот се сомнева во нашата посветеност, тоа значи дека не постоела онаа хемија за која претседателот зборуваше“ вели Пјаниќ.

Тој смета дека Сари верувал оти играчите го саботираат и не го даваат својот максимум во клубот.

„Никој не се сомнева во квалитетите на Сари како тренер, но постоеше тој проблем. На крајот успеавме да освоиме уште едно скудето“ вели фудбалерот.

Откако играчите го тргнале Сари од позицијата тренер во италијанскиот шампион, Јуве го доведе Андреа Пирло за кого жешката клупа е првото тренерско искуство во кариерата. Набрзо потоа сите играчи почнаа да коментираа како уживаат да тренираат кај новиот тренер и атмосферата во соблекувалната е значително подобра.

Критијано Роналдо беше најгласниот критичар на Сари и најголемиот фан на Пирло.