Женската репрезентација на Русија во гимнастика го освои златниот медал на Олимписките игри во Токио. Русинките победија пред САД и Велика Британија.

Русија во состав: Ахимова, Листунова, Мелиникова и Уразова освои 169.528 поени. Американките, без најдобрата гимнастичарка во историјата, Симон Бајлс, стигнаа само до сребрениот медал со 166.096 поени.

Бајлс се повреди на загревањето, а се повлече по првата ротација.

Зад Британските завршија Италијанките, Јапонките, Французинките, Кинеските и Белгијките.

Дејан Георгиевски го освои сребрениот медал во таеквондо, во категоријата над 80 килограми. Герогиевски се запиша во историјата на македонскиот спорт. Среброто на Георгиевски е најголемиот успех на Македонија на олимписки игри.

Дејан Георгиевски во финалет загуби од најголемиот фаворит, Русинот Владимир Ларин со 9:15. Првата рунда му припадна на Ларин со 2:0, втората беше израмнета 7:7, а во третата Русинот беше повторно подобра со 6:2.

На патот до финалето, Георгиевски најпрвин го победи светскиот првак, Рафаел Алба Кастиљо со 11:8, потоа во второто коло со 9:4 беше поуспешен од СејдуГбане од Брегот на Слоновата коска, а за пласман во финалето убедливо со 12:6 славеше над Ин Кјо Дон од Јужна Кореја.

Противниците кои Георгиевски ги победи на патот до финалето, Кубанцот Кастиљо и Кореецот Ин ги освоија бронзените медали во оваа конкуренција.

Второто коло на ватерполо турнирот во Токио, ја донесе сензационалната победа на Австралија над Хрватска. Австралијците против кандидатот за златниот медал славеа победа 11:8.

Австралија ја надигра Хрватска и на крајот заслужено победи. Втората и четвртата четвртина го решија победникот. Австралија вториот период го доби со 2:0, а последниот со 4:2. Првата четвртина заврши нерешено 3:3, додека третата им припадна на Хрватите со 3.2.

Рилард Кембпел постигна три гола во победничкиот тим. Ист број на голови на спортивната страна постигна Маро Јоковиќ.

Победата на Австралија дополнително ги закомпликува работите во Б-групата. По две кола само Шпанија има два победи и четири бода, по победа и пораз имаат Хрватска, Србија, Црна Гора и Австралија, додека Казахстан е последен без освоен бод.