Спорт
Челси ќе може да биде продаден ако Абрамович не добие ниту пени?
Колапсот кој се најавува на европскиот шампион Челси може да биде избегнат, односно да се дозволи продажбата на клубот, но само ако Роман Абрамович не добие ниту пени од зделката, јавува британскиот „Дејли мејл“.
Мобилниот оператор „Три“ денеска го суспендираше договорот од 40 милиони фунти за спонзорство на дресовите со Челси, а се очекува истото да го направат и другите спонзори, откако против газдата Роман Абрамович беа донесени санкции од британската влада. Челси веќе побараа преговори со владата за следните чекори, а според „Дејли мејл“, Абрамович не би смеел да заддржи ништо од парите за евентуалната продажба, за чија иднина ќе одлучува владата на Велика Британија.
Минатата година Челси заработија 154 милиони фунти во комерцијални договори и покрај пандемијата на коронавируот. Сега, под санкции на клубот е му е дозволени да продава билети (само тие со сезонски билети ќе можат да бидат на мечевите), да прави трансфери, да продава дресови и друга опрема, да троши повеќе од 20.000 фунти за гостувања, и секако, да не прават никакви градежни интервенции на „Стемфорд Бриџ“.
Челси уште смее да ги плаќа играчите и другите вработени, да игра на мечевите, и да добива пари од ТВ-преносите, кои сепак ќе бидат замрзнати од британската влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.
Спорт
Чави инстирал капитенот да остане – Серхи Роберто го продолжи договорот
Капитенот на Барселона, Серхи Роберто ќе потпише нов договор со каталонскиот клуб.
Чави Ернандез им порачал на Деко и Џоан Лапорта дека Роберто има огромно влијание врз младите играчи, дека е вистински лидер и дека како играч во ротацијата се уште е од големо значење.
Роберто е дете на клубот, а многумина со години го гледаат надвор од Барселона, но Чави го штити и го сака во тимот. Навивачите и јавноста се поделени, мислат дека е време за промена на генерациите, иако Роберто има намалена улога на теренот како некогаш Џерар Пике и Жорди Алба.
Сепак, Роберто во неколку наврати прифаќаше намалување на платата, практично сега заработува пет пати помалку од пред три години, што е уште една причина за продолжување на договорот.
Роберто е свесен дека нема да игра многу, но не се гледа себеси надвор од Барселона, каде што ја помина целата своја кариера.