Спорт
Челси се мизерни во Премиер лигата, Астон Вила победи на „Стенфорд Бриџ“

Фудбалерите на Челзи уште еднаш ги разочараа своите навивачи. Во 29. коло, на „Стемфорд Бриџ“, Челси доживеа пораз од Астон Вила со 0:2 (0:1).
Со оваа победа, 12. сезонава, гостите од Бирмингем ги скокнаа „сините“ на табелата. Вила на деветтото место има 41 бод, три повеќе од 11. пласираниот Челси.
Во 17. минута Џон Мекгин ја најави победата на Астон Вила кога ја погоди гредата.
Минута подоцна, голема грешка на Кукуреља, лошо ја врати топката кај голманот Кепа Арисабалага, Оли Воткинс ја пресече и рутински го лобуваше голманот на Челзи за 0:1.
Челзи потоа нападна, имаше неколку добри шанси, Бен Чилвел ја погоди стативата во 35. минута, а во неколку наврати се истакна голманот на гостите Емилијано Мартинез.
Натпреварот беше решен во 56. минута. По еден корнер, топката дојде до Џон Мекгин на 22 метри од голот, репрезентативците на Шкотска, кој со страотен удар го погоди долниот лев агол за конечни 0:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шредер и Вагнер не дозволија изненадување – Германија ќе се бори за златото на ЕП

Актуелните светски шампиони, репрезентативците на Германија, први изборија пласман во финалето на Европското првенство. Германија, во првото полуфинале на 42. Евробаскет, ја победија Финска 98:86 (30: 26, 31:21, 20:26, 17:13).
Германците беа фаворити пред дуелот со најпријатното изненадување на првенството и таа улога во целост ја оправдаа.
Финците добро отворија водеа со 12:4 и 18:11, потоа Германците направија серија 0:11, ја презедоа контролата врз натпреварот, а полувремето го заврши со постигнати 61 поен.
Имаа Германците неколку пати предност и од 19 поени, но Финците одбиваа да се предадат, дојдоа во финишот на третиот период на негатива од шест поени, а во последната четвртина се влезе со предност од осум поени за Германија.
Финците во решавачкиот период промашија се што можеа, постигнаа само два поени во првите четири минути, не блескаа ниту Германците, но барем ја одржуваа двоцифрената разлика.
Финците имаа повеќе скокови (38-35), Германија имаше четири асистенции повеќе (23-19), Германците погодија три тројки повеќе (14-11), од 33 обиди колку што имаа и Финците. Повторно в очи паѓа односот на слободните фрлања и повотрно е во корист на Германија (31-18).
На крајот заслужен триумф на Германците кои в недела ќе се борат за своето второ злато кога станува збор за континеталните шампионати. Противник ќе им биде победникот од натпреварот меѓу Грција и Турција.
Денис Шредер со 26 поени, 12 асистенции и четири скока ја предводеше Германија. Франц Вагнер 20 од 22 поени постигна во првото полувреме.
Кај Финска се истакнаа Оливие Енкамуа со 21 поен и девет скока, односно Лаури Марканен со 16 поени и осум скока.
Foto/ EPA
Спорт
Црвена звезда го продаде најдобриот стрелец

Најдобриот стрелец на Црвена звезда во минатата сезона, Шериф Ендиај, кариерата ќе ја продолжи во Турција. Преодниот рок во оваа земја трае до полноќ.
Црвена звезда го продаде напаѓачот од Сенегал в Самсунспор. Според српските медиуми, спрскиот шампион од овој трансфер заработи шет милиони евра.
Во текот на денот, Ендиај ќе замине за Турција каде што, по медицинските прегледи, ќе потпише четиригодишен договор со новиот клуб. Тој се враќа во Турција, бидејќи во Црвенз звезда дојде од Адана, каде што играше две сезони.
Во дресот на Црвена Звезда, тој постигна 40 гола и запиша 12 асистенции на 89 натпревари. Освои две двојни круни и беше најдобар стрелец на првенството минатата сезона.
Спорт
Очоа ќе брани за АЕЛ Лимасол

Гиљермо Очоа има сериозни планови да настапи на Светското првенство во 2026 година.
Искусниот мексикански голман потпиша за АЕЛ од Лимасол и ќе биде во натпреварувачка форма пред Светското првенство следната година.
Очоа дебитираше за Мексико пред точно 20 години. Препознатлив е по своите наверојатни партии на најголемото фудбалско натпреварување, а сега доаѓа на Кипар, за прв пат во кариерата.
Очоа претходно го носеше дресот на Клуб Америка, Ажаксио, Малага, Гранада, Салернитана.
Забележа над 150 настапи за мексиканската репрезентација, а учествуваше и на Светските првенства во 2006, 2010, 2014, 2018 и 2022 година.
Foto/ ael.com.cy