Алваро Мората вели дека враќањето во Јувентус е негова животна шанса и верува дека со Андреа Пирло како тренер „бјанконерите може да стасаат до толку посакуваниот трофеј од Лигата на шампионите.

Мората стана прв избор на Јуве кога не успеаја да се договорат со Луис Суарез и иако многумина посочија дека Мората постојано зборува за големата љубов за клубовите за кои настапува, сега тој тврди дека гледа огромен потенцијал во овој тим на Јуве.

„Одлично е да се вратиш во Торино. Сега сум поискусна личност и подобар фудбалер. Ова е животна шанса за мене. Веќе по првите два тренинга, бев импресиониран од Пирло како тренер бидејќи го знае фудбалот. Сигурен сум во успехот и би сакал да постигнам 35 гола. Секогаш велев дека мојот сон е да играм за Атлетико Мадрид, но во Јувентус веруваа во мене и кога бев многу млад и благодарен сум за шансата. Сега сум на вистинското место во вистинското време. Најдобрата меморија од Италија ми е мојата сопруга и трофеите што ги освоив“, вели 27-годишниот Шпанец.

Мората играше со Јуве во финалето на ЛШ во 2017, а две години подоцна ги победи како фудбалер на Реал Мадрид покрај Кристијано Роналдо.

„Го знам Кристијано многу добро, и како фудбалер и како личност, и секогаш добро сме се согласувале. Лигата на шампионите е многу важна за нас и се надевам дека оваа сезона ќе одиме до крај“, вели Мората.

Мората е новиот Анелка, секогаш многу ги сака своите нови клубови

Сампдорија потврди дека фудбалерот од средниот ред, Антонио Кандрева, пристигна од Интер со четиригодишен договор за клубот од Џенова.

Кандрева пристигнува на заем од една сезона со обврска да го купат на крајот на 2019/2020 за речиси 3 милиони евра.

33-годишниот Кандрева се врати во форма минатата сезона со седум гола и девет асистенции во 40 меча за Интер, но кај „неаѕурите“ немаше место за него по пристигнувањето на Александар Коларов и Ашраф Хакими. Вкупно, тој одигра 151 натпревар за „неаѕурите“ кога пристигна од Лацио за 22 милиона евра во 2016.

Кандрева исто така има 54 настапи за италијанската репрезентација, но последниот му беше во март 2018 година.

📄 #Candreva è blucerchiato: il centrocampista si lega alla #Sampdoria fino al 2024 ➡️ https://t.co/o3QP8ZgTFS pic.twitter.com/RhRNDqXSF1

— U.C. Sampdoria (@sampdoria) September 25, 2020

Хабиб Нурмагомедов вели дека со тренинзите и подготовките за мечот со Џастин Гетџи за УФЦ-титулата во лесна категорија се бори со депресијата пред првиот меч по смртта на неговиот татко и тренер, Абдулманап Нурмагомедов.

Хабиб ќе се судри со Американецот Гетџи во главниот меч на УФЦ 254 во Абу Даби на 24 октомври и во видео објавено на неговиот „Инстаграм“ тој зборува за смртта на својот татко во јули по компликациите по заразувањето со коронавирусот.

„Тренирам постојано бидејќи на некој начин со тоа се штитам од депресијата. Тренирам постојано и тоа ми се допаѓа. Тренирам цел живот за да имам добра енергија за да бидам здрав. И мојот татко беше таков. Неговите пријатели секогаш зборуваа дека каде и да оди, со него имаше торба – прво да најде место за спиење, а потоа да најде каде да тренира. Додека сум активен спортист, тоа е важно за мене, а за потоа ќе видиме, ќе биде лошо“, вели Хабиб.

 

View this post on Instagram

 

В Дагестане ☝️#ufc254

A post shared by Khabib Nurmagomedov (@khabib_nurmagomedov) on Sep 24, 2020 at 11:10pm PDT