Спорт
Чешкиот претседател ја нападна УЕФА за казната за расизам на Кудела
Канцеларијата на чешкиот претседател, Милош Земан влезе во остар напад на УЕФА по одлуката фудбалерот на Славија Прага, Ондреј Кудела да добие суспензија од 10 меча поради „расистичко однесување“.
УЕФА во средата го казни Кудела бидејќи наводно го нарекол финскиот фудбалер на Глазгов Ренџерс, Глен Камара „еб.н мајмун“ при бурниот меч во Глазгов во март. Камара беше суспендиран три меча за физичкиот напад на Кудела во тунелот. Кудела тврди дека не кажал такво нешто, иако го опцул ривалот, и Земан смета дека УЕФА врши дискриминација на белите фудбалери.
„Осудивте чесен човек без еден доказ. Направивте да е невозможно спортистите да го остварат својот сон и да играат во европската лига. Само да задоволите перверзни очекувања на група на активисти и тим кој не можеше да победи на теренот за да се реши на празни обвинувања за расизам. Вашата сопствена борба против расизам сега е борба на неуспешниот со успешниот. Врв на хипокризијата, позитивната дискримација и подлегнување на смешни трендови. Наместо да се заштитат црните луѓе од расизам, сега имате обратна ситуација – личност со друга боја на кожа е тој кој е осуден“, се вели во објавата на Земан до УЕФА.
Rangers glen kamara being racially abused by a slavia Prague player according to steven Gerrard, let’s see what uefa have to say about it. pic.twitter.com/qyT11smVLw
— Devo (@DevoLDN) March 18, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лил ја згасна Звезда
Фудбалерите на Лил триумфално го завршија натпреварот во Белград. Надополнија минус од еден гол, и по продолженијата со 2:0 славеа на „Рајко Митиќ“.
Дека Црвена звезда ќе има тешка вечер, навести ветеранот Оливие Жиру со голот во четвртата минута. Лил ја анулира предноста на противникот и потоа доминираше во првиот дел, но резултатото не се промени.
Второто полуврме донесе подобра игра на домаќинот, неколку шанси, без реализиција, па натпреварот замина во дополнителните 30 минути.
Таму на црвено-белите им пресуди Ендој во 99-та минута.
Лил во осминафиналето ќе игра против Лион или Астон Вила.
Foto/ Starsport
Спорт
Убедлив пораз на Шкендија кај Самсунспор
Фудбалерите на Шкендија го завршија својот настап во Конференциската лига. Вечервва, во рамките на плејофот за место во осминафиналето, Шкендија загуби со 4:0 кај Самсунспор. Турскиот тим со вкупен резултат 5:0 се пласира во следната фаза.
Шкендија успеа да издржи во првиот дел, но во вториот домаќинот ја демонстрираше својот квалитет.
Нтчам од пенал погоди во 53-та минута, а Ендиај го зголеми резултатот во 71-та. Точка на победата стави стрелецот на голот во Скопеј, Мариус во 79-та и 92-та минута.
EPA/GEORGI LICOVSKI
Спорт
Челзи или Баселона – Луис Енрике откри со кого сака да се соочи
Тренерот на Пари Сен Жермен, Луис Енрике, повеќе би сакал да се соочи со Челзи отколку со Барселона во осминафиналето од Лигата на шампионите.
Актуелниот првак немаше лесна задача во баражот, но успеа да го елиминира Монако. Утре ќе го дознае противникот во осминафиналето.
„Ќе бидам целосно искрен, нека Барселона не заобиколи овој пат. Веќе реков дека сакам повторно да играм против Челзи. Овој пат не сакам да играм против Барселона. Од емотивна страна, дуелот со Барса е секогаш посебен за мене, бидејќи е убаво да се вратиш дома. Барселона е прекрасна и многу посебна за мене. Затоа би сакал да играм против Челзи, ни должат, рече Луис Енрике.
Шпанецот алудираше на поразот во финалето на Светското клупско првенство во кое Челзи победи со убедлив резултат од 3:0.
Ждрепката за осминафиналето од Лигата на шампионите е закажана за петок во 12:00 часот.
Foto/ depositphotos

