Хуан Мата по завршувањето на сезоната ќе го напушти Манчестер јунајтед. Искусниот фудбалер, според медиумите, кариерата ќе ја продолжи во Лацио. Мата, кариерата ја започна во Валенсија, а последните десет години е во Англија, во Челси и Манчестер јунајтед.

Лацио, има намера да го обезбеди потписот на Мата, бидејќи, тој за еден месец ќе биде слободен играч. Спортскиот директор на Лацио, Игли Таре, на Мата е подготвен да му понуди две годишен договор.

Според „Ла Република“, Мата покажал интерес кариерата да ја продолжи во Серија А, се соgласил и на две годишниот договор, засега двете страни не можат да се договорат околу платата. Лацио понудиле четири милиони евра по сезоната, фудбалерот бара милиони повеќе.

ПСЖ не успеа да се пласира во финалето во Лигата на шампиони. „Светците“, во два натпревари се поразени од Манчестер сити со вкупни 4:1. Француските медиуми, главен виновник за елиминацијата е Нејмар.

Бразилецот, пред синоќешниот реванш, во Манчестер, изјави дека ќе погина на теренот за да избори пласман во финалето.

Според медиумите Нејмар целосно потфрлил. „Лекип“, го оцени исто како и во првиот дуел, со слаба тројка.

„Вети дека ќе погине на теренот. Ништо не видовме од тоа, губеше топки, додавањата му беа катастрофални, ризикуваше без причина. Не с евиде крај Вокер. Разочарувачки“, пишува „Лекип“.

„Франс фудбал“, тврди дека бил себичен и неподнослив.

„Како да е правило шест пати да ја допреш топката по приемот. Се сакаше да направи сам. Егоцентрик на кого му тргна лошо. Повторно го понесоа емоциите, не играше со главата, беше катастрофален. Ни ја откри својата темна страна“.

Бразилецот доби критики и од „Ле Парисиен“, медиуми кој традиционално им е наклонет на ПСЖ.

„Разочарувачки, исчезна во полу-финалето. Немаше инспирација, не го носеше тимот, како што го направи тоа против Баерн“.

Француските медиуми, се согласуваат дека по елиминацијата од Сити, клубот може да ги разгледа опциите за продажбата на Нејмар, чии договор истекува во јуни 2022 година.

Српскиот претседател, Александар Вучиќ, најавил дека државата ќе тргне во борба против организираниот криминал во српскиот фудбал.

„Тажен сум како се одвива финишот на првенството“, рекол Вуќиќ во гостувањето на телевизијата „Пинк“.

Српскиот фудбал, последните три недели, се наоѓа во центарот на вниманието, поради чудните резултати и серијата на победи во кои се наоѓаат тимовите кои се борат за опстанок во лигата.

„Сега ќе ви кажам, таа мафијашка банда, мести натпревари, поради пеалите кои се судат ни се смее целиот свет. Сите ќе ги уапсиме. Тоа е се што можам да ви кажам“, рекол српскиот претседател.

Тој иронично рекол дека во финишот на сезоната некои тимови играат на нивото на Манчестер сити и ПСЖ.