Спорт
Четири англиски и германски екипи во осминафинале, Реал Мадрид ја брани честа на Шпанците
Групната фаза на Лигата на шампиони секогаш носи возбудувања, интересни мечеви, но сега е време за вистинското – нокаут фазата, каде што секоја грешка се казнува остро и каде што само најдобрите можат до трофејот.
Актуелните шампиони, Реал Мадрид, рутински го освоија првото место во својата група и носителско место во жрепката, но куриозитет е што се единствениот шпански клуб кој успеа да ја мине групната фаза, за разлика од четирите премиерлигаши (Ливерпул, Челси, Манчестер сити и Тотенхем) и уште позачудувачки, четирите бундеслигаши (Баерн, Дортмунд, Франкфурт и Лајпциг).
За одбележување е и „големината“ на клубовите кои продолжуваат во Лига Европа – поранешните европски шампиони Барселона, Јувентус, Ајакс и Баер Леверкузен ги освоија третите места во своите групи.
Ждрепката за осминафиналето ќе се оддржи во Куќата на европскиот фудбал во Нион, Швајцарија во понеделник на 7 ноември напладне. Носителите ќе ја имаат предноста на домашен терен – односно првиот меч ќе го играат на гости, а исто така не можат да се „паднат“ клубови од иста земја и од иста група во која биле досега.
Ждрепката за четврт-финалето и полуфиналето се очекува на 17 март 2023 година. Осминафиналните дуели ќе се играат на 14/15 и 21/22 февруари 2023, а реваншите на 7/8 и 14/15 март 2023.
Финалето на ЛШ оваа сезона се игра на „Ататурк олимпискиот стадион“ во Истанбул, Турција на 10 јуни 2023 година.
ЛИГА НА ШАМПИОНИ, ПЛАСИРАНИ ВО 1/8 ФИНАЛЕ
Носители
Челси (Анг) (*)
Манчестер сити (Анг) (*)
Тотенхем (Анг) (*)
Реал Мадрид (Шпа) (*)
Баерн Минхен (Гер) (*)
Наполи (Ита) (*)
Порто (Пор) (*)
Бенфика (Пор) (*)
Неносители
Ливерпул (Анг)
Борусија Дортмунд (Гер)
Ајнтрахт Франкфурт (Гер)
РБ Лајпциг (Гер)
Интер (Ита)
Милан (Ита)
Клуб Бриж (Бел)
Пари Сен-Жермен (Фра)
Како третопласирани продолжуваат во Лига Европа:
Ајакс (Хол)
Барселона (Шпа)
Баер Леверкузен (Гер)
Севилја (Шпа)
Спортинг Лисабон (Пор)
Шахтјор Доњецк (Укр)
Ред бул Салцбург (Авт)
Јувентус (Ита)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ФА го поништи црвениот картон на Бруно Фернандеш
Манчестер јунајтед, во неделата, доживеа дебакл на домашен терен од Тотенхе (0:3). Јунајтед целото второ полувреме го одигра со играч помалку. Капитенот Бруно Фернандеш доби директен црвен картон.
Клубот веднаш се жалеше на оваа одлука, а информациите од Англија говорат дека Фудбалската асоцијација (ФА) ја првифатлиа жалбата.
Капитенот на Јунајтед првично требаше да ги пропушти натпреварите против Астон Вила, Брентфорд и Вест Хем, но Ерик Тен Хаг сепак ќе го има на располагање еден од најдобрите играчи во тимот.
Ваквата одлука само донесе повеќе критики на сметката на англиските судии кои постојано се на удар за лоши одлуки и критериуми кои не се исти за сите тимови.
Спорт
(Видео) Спарта освои бод во Штутгарт, Брест го нокаутира Салцбург
Два натпревари, во Салцбург и Штутгарт го отворија второто коло во Лигата на шампионите. Штутгарт против Спарта Прага одигра 1:1, а Брест го декласира домаќинот Салцбург со 4:0.
Штутгарт не успеа да ја ја запише првата победа сезонава во ЛШ. Спарта излезе со јасна цел на теренот и успеа да ја оствари. Чената на Себастијан Хенес изврши силен притисок кон голот на Спарта во последните 30 минути, но нез резултат.
„Швабите“ поведоа во раната фаза на натпреварот, во седмата минути Мијо постигна гол. Изедначи Финецот Каиринен во 32,минута. Во финишот на првиот дел Спарта можеше да направи целосен пресврт, но гредата беше сојузник на Нибел, по ударот на Бирманчевиќ.
Ниту најголемите оптимисти не очекуваа дека Брест ќе стартува со две победи во деби настапот во Лигата на шампионите. Во редовите на францускиот тим сега можат да размислуваат и за пласман во плејофот (пласман од 9. до 24 место).
На гостувањето во Салцбург првиот гол за „пиратите“ го постигна Сима во 24.минута. Салцбург се обидуваше, напаѓаше но без конкретна завршница. Потоа следуваше блиц-криг на гостите кои од 66. до 75.минута постигнаа три гола.
Сима втор пат на натпреварот погоди во 66.минута, Камара зголеми на 0:3 шест минути подоцна, а во 75.минута Лаж ги постави конечните 0:4.
Спорт
Страшна вест од Шпанија: Ле Норман има потрес на мозокот!
Фудбалерот на Атлетико Мадрид, Робин Ле Норман заработи повреда на мозокот од удар што го доби на натпреварот против Реал Мадрид, соопштија од клубот.
„Робин Ле Норман доживеа тежок удар во главата во последните минути од дербито во Мадрид, беа извршени низа тестови и проценки од страна на специјалисти и тие утврдија дека има трауматска повреда на мозокот“, се вели во соопштението на Атлетико Мадрид.
Во соопштението за медиумите се наведува дека опоравувањето на шпанскиот дефанзивец и неговото враќање во тимот ќе се изврши според насоките од предвидениот протокол за ваков тип на повреда.
Ле Норман (27) летово дојде во Атлетико Мадрид од Реал Сосиедад, откако со репрезентацијата на Шпанија го освои Европското првенство во Германија.
Тој ги одигра сите натпревари за Шпанија на овогодинешното Европско првенство, почнувајќи од пет натпревари.