Спорт
Чилеанците не се откажуваат од обидот да ги исфрлат Еквадор од Мундијалот
Чилеанската фудбалска федерација (АНПФ) објави дека ќе се жали на одлуката на ФИФА да дозволи Еквадор да настапи на Светското првенство во Катар оваа зима, откако првата жалба за користење на фудбалер кој нема право на настап беше одбиена.
На 10 јуни, ФИФА одлучи Еквадор да го заддржи „билетот“ за Катар, откако АНПФ не дале доволно докази дека фудбалерот Бајрон Кастилјо не е роден во еквадорскиот град Генерал Вилјами Плахас во 1998 како што стои во официјалните документи. Чилеанците стојат на ставот дека Кастилјо е роден во Тумако, Колумбија во 1995 и дека со фалсификувани документи играл во 8 од 18-те квалификациски мечеви на Еквадор.
„Ние сме сигурни во нашите заклучоци по истрагата и јасно е дека тој фудбалер користел фалсификувани еквадорски документи. Не се работи само за место на СП, туку и за принципот на ферплеј“, изјави претседателот на чилеанската федерација, Хорхе Јунге.
Чиле беа седми во јужноамериканската квалификациска група со 19 поени, додека Перу заврши на петтото место, за да игра бараж, кој го загуби од Австралија. Бразил, Аргентина, Уругвај и Еквадор на четвртото место обезбеија директен пласман на СП.
The #Football Federation of #Chile continues to fight for #Ecuador‘s place at the #FIFAWorldCup, asking the FIFA Appeals Committee to look at its claim Byron Castillo was not eligible to play for Ecuador in qualifyinghttps://t.co/b1MCGbQMNk #Qatar2022 #SportsLaw #ByronCastillo
— insidethegames (@insidethegames) July 28, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нотингем Форест го засили нападот

Арно Калимуендо, до неодамна играч на Рен, потпиша договор со Нотингем Форест.
Францускиот клуб доби 30.000.000 евра обештетување, а двократниот европски шампион со овој трансфер најави големи амбиции во новата сезона, во која ќе се натпреварува и во Лига Европа.
Калимуендо ја започна својата кариера во Пари Сен Жермен, но таму играше многу малку. Пред три години се пресели во Рен, каде што одигра одлични натпревари. Постигна 40 гола и имаше 14 асистенции.
Третиот е најскапото засилување на клубот во овој преоден рок. Форест издвоија повеќе од него за Омар Хачинсон и Ден Ендо.
Нотингем, ја отвори новата сезона во Премиер лигата со убедлива победа од 3:1 против Брентфорд.
Фото/ Принтскрин
Спорт
Епизода од една сезона, Ферари нашле замена за Хамилтон?

Луис Хамилтон се пресели од Мерцедес во Ферари со големи амбиции, но првиот дел од сезоната за седумкратниот првак е вистински кошмар. Исклучок е спринт трката за Големата награда на Кина, каде победи Британецот. Особено разочарувачки беше неговиот настап во Унгарија, не успеа да влезе во последната квалификациска сесија, стартуваше 12-ти и на таа позиција ја заврши трката.
Хамилтон е свесен дека има лоша сезона, дури во Унгарија изјави дека е „бескорисен“.
Според извештаите, во Маранело се бара замена за 40-годишниот Британец, а поранешниот возач и коментатор на „Скај Спортс“, Џони Херберт, тврди дека веќе е познато кој ќе го наследи.
Според Херберт Хамилтон треба да го заземе Карлос Саинц. Шпанецот возеше за Ферари од 2021 до 2024 година, замина во Вилијамс кога Ферари објави дека го ангажирале Хамилтон.
Ниту тој, ниту Хамилтон, не се снаоѓаат добро во своите нови тимови, па се очекува дека ќе се врати во Маранело. Саинц освои триесет и осум бода помалку од колегата Алекс Албон оваа сезона, но во Ферари сè уште го сметаат за соодветно решение.
Хамилтон е седумкратен светски шампион. Роден е во Стивениџ и се занимавал со картинг во таа јуниорска категорија во програмата на Мекларен, освојувајќи ја титулата во серијата GP Two во 2006 година.
Дебитираше во Формула 1 во 2007 година за Мекларен, заврши како второпласиран и следната година ја освои својата прва титула.
Се пресели во Мерцедес во 2013 година и доминираше во хибридната ера, освојувајќи титули во 2014, 2015, 2017, 2018, 2019 и 2020 година. Тој ги држи повеќето клучни рекорди во историјата на шампионатот, вклучувајќи го бројот на победи, пол позиции и места на подиумот. Тој е изедначен со Михаел Шумахер по бројот на титули.
Foto/ EPA/Boglarka Bodnar
Спорт
НБА шампион пристигна во Басконија

Гвинејскиот кошаркар Мамади Диаките потпиша двегодишен договор со Басконија.
Во НБА, тој играше за Милвоки, Оклахома, Кливленд, Сан Антонио и Њујорк. Стана НБА шампион со Милвоки Бакс во 2021 година.
Дијаките ја помина минатата сезона во Вели Санс, филијалата на феникс во развојната НБА лига. Имаше просек од 13,6 поени, 8,4 скока и 2,2 асистенции по натпревар.
Кошаркарите на Басконија ќе го пречекаат Олимпијакос во првото коло од Евролигата на 30 септември.
Фото/ Принтскрин