Спорт
Чимаев за две минути го „суреди“ Холанд па порача: Ќе ги убијам сите! Дијаз лесно против Фергусон
Хамзат Чимаев, откако беше речиси 4 килограми претежок за да влезе во кафезот со Нејт Дијаз, доминираше против Кевин Холанд, стигнувајќи до победа по само две минути, додека Дијаз доминираше против уште еден ветеран Тони Фергусон во двата главни мечеви на УФЦ 279 во Лас Вегас.
Со ова се стави крај на фасцинантниот викенд во Лас Вегас, во кој Швеѓанецот со чеченско потекло, Чимаев беше анти-херојот, откако не успеа да ги симне потребните килограми за меч со Дијаз, а предизвика и неколку тепачки надвор од кафезот. Кога, конечно влезе во кафезот, тој покажа зошто го сметаат за нова УФЦ ѕвезда, по што врескаше во микрофонот кон публиката која го свиркаше.
„Кажете нешто сега! Кажете! Јас сум најопасниот човек во кафезот, доаѓам по сите. Ќе ги убијам сите“, изјави Чимаев.
37-годишниот Дијаз, пак, во тоа што го нарече својот последен меч во УФЦ федерацијата, го победи Фергусон по четири рунди, по што најави дека ќе се префрли во боксот. Фергусон, пак, сега има пет порази во низа.
Khamzat Chimaev is a Best ????
Is now 12-0 for him #UFC279 pic.twitter.com/FEkh9DFqZz— Silva³¹ (@goncalosilva_31) September 11, 2022
NATE DIAZ JUST SUBMITTED TONY FERGUSON IN THE MAIN EVENT #UFC279 pic.twitter.com/z9R2pSKiBm
— Spinnin Backfist (@SpinninBackfist) September 11, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.