Спорт
Чориќ и Нори полуфиналисти во Синсинати
Хрватскиот тенисер Борна Чориќ продолжи со одличните игри во Синсинати, тој преку Феликс Оже-Алијасим избори пласман во полуфиналето.
По елиминацијата на Рафаел Надал, тенисерот од Загреб со 2:0 (6:4, 6:4) го совлада и деветтиот играч на АТП листата.
Мечот траеше 102 минути, Чориќ во секој сет направи по еден брејк.
Чориќ ќе се обиде да ја продолжи бајката во полуфиналето, негово прво на турнирите од Мастерс серијата по 2018 година.
Сега си го обезбеди враќањето меѓу најдобрите 70 тенисери во светот, а доколку стигне до финалето, в понеделник ќе се најде меѓу најдобрите 50, додека доколку ја освои титулата би можел да стигне до првите 30 на АТП листата. од сегашната 152. позиција.
За финалето ќе игра против Камерон Нори од Велика Британија.
Тој во четврт-финалето беше подобар од Шпанецот Карлос Алкараз со 7:6 (4), 6:7 (4), 6:4 по повеќе од три часа игра.
Првите два сета беа решени во драматични завршници преку тај-брејк, а потоа во третиот сет Нори ја искористи четвртата брејк топка во деветиот гем и потоа со своите сервиси стигна до три меч топки и се пласираше во полуфиналето на Синсинати.
Во вториот меч за финалето ќе се сретнат Даниил Медведев и Стефанос Циципас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.