НБА лигата ги објави стартните петорки за Ол стар натпреварот кој ќе се одигра на 17.февруари во Сан Франциско.

Стартерите беа избрани врз основа на 50 отсто гласови на навивачите, 25 отсто гласови на медиумите и 25 отсто гласови на играчите.

Останатите 14 учесници ќе бидат избрани од тренерите, а одлуката ќе биде објавена на 30 јануари.

Почнувајќи од оваа година, Ол-стар натпреварот ќе има нов формат, ќе се играат три натпревари, 24 играчи ќе бидат поделени во три тима, а тимотвите ќе ги бираат Шекил О’Нил, Чарлс Баркли и Кени Смит.

Најмногу гласови од навивачите добија Јанис Адетокумбо и Никола Јокиќ. Изненадувачки, двајца стартери во тимот на Источната конференција доаѓаат од Њујорк Никс: Џејлен Брансон и Карл-Ентони Таунс. Покрај нив двајца тука се и Јанис Адетокумбо (Милвоки Бакс) Донован Мичел од Кливленд и Џејсон Тејтум од Бостон.

Петорката на Западот ја предводи Никола Јокиќ, покрај него тука е и Шеј Гилџес-Александер од Оклахома и ветераните Леброн Џејмс од Лос Анџелес Лејкерс, кој ќе учествува на Ол Стар натпреварот по рекорден 21. пат, Стеф Кари од Голден Стејт и Кевин Дурент од Феникс.

The top finishers by position group in the final fan voting returns ⬇️ https://t.co/3aHsiMb8eW pic.twitter.com/ZuOrhEmKZU

— NBA Communications (@NBAPR) January 24, 2025

Српскиот тенисер Новак Ѓоковиќ не ја отфрли можноста дека овогодинешниот Австралија опен е последен во неговата кариера.

Ѓоковиќ по првиот сет се повлече од полуфиналниот меч против Александар Зверев, по повредата што ја заработи на мечот против Карлос Алкараз.

На прашањето дали ова му е последен настап на Грен слем турнирот во Мелбурн, тој немаше прецизен одговор.

„Не знам… Има шанси, кој знае. Ќе треба да видам како ќе помине сезоната. Сакам да продолжам, но дали следната година ќе имам поинаков распоред, не знам. .. Ги имав најголемите успеси во Австралија, сакам да доаѓам овде. Ако сум здрав, фит и мотивиран, не гледам причина зошто не би дошол, но секогаш има шанса “, рече Ѓоковиќ.

За потсетување, Ѓоковиќ за прв пат играше на Австралија опен во 2005 година и оттогаш овој турнир го освои 10 пати.

Фудбалскиот сојуз на Белгија го отпушти тренерот Доменико Тедеско (39) на 17 јануари по серијата лоши резултати.

Нов селектор на Белгија е Французинот Руди Гарсија (60), кој прв пат во кариерата ќе работи како селектор.

Гарсија во кариерата ги водеше Корбеј-Есон, Сант-Етјен, Дижон, Ле Ман, Лил, Рома, Марсеј, Лион, Ал Наср и Наполи. Тој беше француски шампион со Лил во 2011 година, а во 2011, 2013 и 2014 година беше прогласен за најдобар француски тренер.

Да потсетиме дека под водство на Тедеско, Белгија едвај се пласираше во осминафиналето на минатогодишното Европско првенство, додека тие завршија на третото место, во групата во Лигата на нации, со само една победа и шест порази го освои третото место.

Резултатскиот пад на белгиската репрезентација започна по судирот на Тедеско со првиот голман Тибо Куртоа, поради што голманот на Реал Мадрид одлучи дека повеќе нема да брани за националниот тим. Сега неговото враќање е многу можно.