Спорт
Чудесен натпревар на Дезире Дуе, доби речиси совршена оценка

Фудбалерите на ПСЖ ја освоија титулата во Лигата на шампионите. Во финалето на „Алијанц Арена“, го победија Интер со 5:0. Херој на победата беше крилниот напаѓач Дезире Дуе, кој беше директно вклучен во дури три гола на својот тим и за тоа доби оценка 9,7. Заедно со неговите два гола, стрелци беа Ашраф Хакими, Хвича Кваратскелија и Сени Мају.
Во 12-тата минута, Дуе го прими додавањето на Витиња во просторот и го забележа осамениот Ашраф Хакими во непосредна близина на голот, а Мароканецот постигна гол за водство.
Осум минути подоцна, го постигна својот прв гол во натпреварот. Парижаните започнаа контранапад, Усман Дембеле го забележа осамениот Дуе по десната страна, а неговиот удар со помош на блокот на Федерико Димарко заврши во голот за 2:0. Сите прашања околу победникот ги реши Дуе во 63-та минута. По брзата комбинација на Дембеле и Витиња, Португалецот го турна 19-годишниот Французин во шанса за гол, а тој ја искористи таа можност и постигна гол за 3:0.
Со тој гол, Дуе стана најмладиот играч во историјата што постигнал барем два гола во финалето на Лигата на шампионите. Досега, рекордот го држеше Еузебио од Бенфика, кој постигна два гола во победата од 5:3 против Реал во 1962 година на возраст од 20 години и 97 дена. Дуе на денот на финалето имаше 19 години и 362 дена.
Дуе стана и првиот фудбалер во историјата на модерното финале на Лигата на шампионите што директно учествувал во три гола. Последен што го стори тоа во финалето на Купот на шампионите беше Сандро Мацола, кој постигна два гола и асистираше за еден гол во победата од 3:1 во финалето против Реал во 1964 година.
Дезире Дуе ја започна својата кариера во младинската академија на Рен, каде што дебитираше за првиот тим во 2022 година и многу брзо стана еден од најталентираните млади играчи во Европа, истакнувајќи се со техниката, брзината и дриблингот. Во август 2024 година, тој пристигна во ПСЖ за 50 милиони евра.
Оваа сезона одигра 54 натпревари во сите натпреварувања со учинок од 15 гола и 14 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.