Спорт
Циципас експресно го мина Симон, Беретини го победи Андерсон

Стефанос Циципас, го декласира Жил Симон, во првото коло на Австралија опен. Успешни, во мечевите кои го комплетираа воведното коло на првиот Гренд слем, беа и Матео Беретини, односно Фелисијано Лопес.
Циципас, петти носител на турнирот, на Симон му препушти само четири гема. Гркот за 93 минути победи со 6/1, 6/2, 6/1.
Циципас мечот го заврши со по 25 директни поени и неизнудени грешки, додека Симон имаше 26 грешки и само шест дирекни поени.
Циципас во второто коло ќе игра против тенисерот со грчки корени, роден во Австралија, Танаси Кокинакис. Во моментов 267. на АТП листата, во првата рунда го победи Квон Сон-ву со 6/4, 6/1, 6/1. Кокинакис на Австралија опен, како домашен тенисер, настапува на покана од организаторот.
Матео Беретни, во три сета, успеа да го победи ветеранот од Јужна Африка, Кевин Андерсон. Тенисерот од Италија славеше со 7/6, 7/5, 6/3. Првиот сет беше исклучително драматичен, Андресон не искористи осум сет топки.
Беретини, во второто коло ќе игра против Томаш Махач, кој преку квалификациите избори пласман на турнирот.
Фелисијано Лопес, денес го започна својот 75.настап на Гренд слем турнирите. Јубилејот го прослави со победа во четири сета (6/7, 6/4, 7/6, 6/4), над Ли Ту. Во второто коло, Лопес ќе игра против Лоренцо Сонего.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Страшен пад на најдобрата скијачка во светот

Италијанската скијачка Федерика Брињоне, победничка на овогодинешниот Светски куп, заработи исклучително тешка повреда.
Федерика Брињоне се здоби со повеќе скршеници на ногата откако падна во велеслаломот што се одржа во рамките на италијанскиот шампионат.
Брињоне падна на патеката Вал ди Фаси откако изгуби контрола над скиите. Со хеликоптер била префрлена во најблиската болница, во Трент.
Италијанската скијачка федерација веднаш соопшти дека Брињоне се здобила со повеќе сложени скршеници на тибијата и главна фибула на левата нога и дека во најбрз можен рок ќе биде префрлена во Милано на дополнителни прегледи, по што ќе биде донесена одлука за операција.
Италијанските медиуми наведуваат дека тоа значи дека Брињоне нема да може да скија до неколку месеци пред Олимписките игри, чиј домаќин следната година ќе биде Кортина.
Fratture multiple a tibia e perone per Federica Brignone, caduta rovinosamente durante la seconda manche dello slalom gigante ai Campionati italiani assoluti in Val di Fassa. La campionessa del mondo sarà operata a Milano pic.twitter.com/mSMu95yhkm
— Tg3 (@Tg3web) April 3, 2025
Спорт
Заврши сезоната за Габриел

Најдобриот дефанзивец на Арсенал, Габриел Магаљаеш, ја заврши сезоната. Најлошата можна информација Микел Артета ја доби шест дена пред првиот четвртфинален натпревар во Лигата на шампионите против Реал Мадрид.
Габриел се повреди пред два дена против Фулам, во Премиер лигата. На теренот мина само 15 минути.
Бразилецот заработи повреда на задната ложа, а бидејќи се работи за тешка повреда која бара операција, 27-годишниот стопер ќе мора да закрепнува неколку месеци.
„Габи ќе биде опериран во наредните денови и веднаш ќе започне со програма за опоравување и рехабилитација, со цел да биде подготвен за почетокот на следната сезона“, се вели во соопштението на Арсенал.
Спорт
Челси нуд 70 милиони за Ендрик

Реал Мадрид во вторникот избори пласман во финалето на шпанскиот Куп. Избраниците на тренерот Карло Анчелоти во реваншот одиграа 4:4 со Реал Сосиедад по продолженијата и благодарение на победата од 0:1 во првиот меч влегоа во борбата за титулата.
Стрелец на првиот гол на Реал беше Ендрик, 18-годишен Бразилец кој ја игра првата сезона во клубот. Досега одигра 29 натпревари, најмногу како резерва, акумулираше 562 минути на теренот. Тој постигна седум гола.
„Дефенса централ“, медиум специјализиран за следење на Реал, тврди дека на „Бернабеу“ по натпреварот со Сосиедад пристигнала понуда од 70 милиони евра за Ендрик. Според овој извор понудата била испратена од Челси.
„Челзи веќе некое време го следи младиот Бразилец и бара напаѓач кој би бил стартер следната сезона. Тие веруваат дека Ендрик е идеалното решение, поради што испратија конкретна понуда од 70 милиони евра за напаѓачот на Реал. На „Станфорд Бриџ“, веруваат дека со атрактивна финансиска понуда и со гаранција дека ќе биде прв напаѓач ќе можат да го привлечат младиот Бразилец“, пишува „Дефенза централ“ и тврди дека Реал нема намера да го продаде Ендрик.
Инаку, Ендрик има договор со Реал до 30.јуни 2030 година.