Спорт
Црна Гора пред историски пласман, Хрватска, дефинитивно, без мундијал
Хрватска беше поразена од Полска со 69:77 за да ги загуби и досега малите шанси за пласман на Светското првенство во кошарка во Кина, а Црна Гора со 76:74 победи на гостувањето во Украина за да дојде на чекор до прв пласман на СП.
Хрватите во Вараждин почнаа со серија од 14:0, а гостите не постигнаа кош во првите седум минути за да се подгреат надежите на навивачите дека ќе се стигне до потребната победа од над 6 поени разлика. Но, Полјаците, предводени од Понтика (20 поени) и Слотер (15 поени), почнаа да се враќаат во игра за победа со која се веќе квалификувани на мундијалот првпат по 52 години заедно со Италија и Литванија во тешката група.
Црна Гора, пак, со 76:74 беше подобра од Украина, а нивниот главен ривал Летонија со 62:67 беше поразена од веќе квалификуваната Шпанија. Бидејќи Црногорците ги победија Летонците во Рига (84:75), тие и со пораз во „Морача“ в понеделник би отишле на мундијалот, само доколку поразот не е повисок од осум поени. Шпанија и Турција, кои се веќе квалификувани, стигнаа до лесни победи.
КВАЛИФИКАЦИИ ЗА СП 2019
ГРУПА И
Летонија – Шпанија 62:67 (14:25, 11:13, 16:13, 21:16)
Украина – Црна Гора 74:76 (34:17, 6:9, 16:25, 18:25)
Турција – Словенија 77:58 (11:17, 23:9, 24:16, 19:16)
Табела: 1. Шпанија 20, 2. Турција 19, 3. Црна Гора 18. 4. Летонија 17, 5. Украина 16, 6. Словенија 13
ГРУПА Ј
Хрватска – Полска 69:77 (16:8, 20:24, 23:29, 10:16)
Холандија – Литванија 69:78 (20:25, 15:20, 14:7, 20:16)
Италија – Унгарија 75:41 (15:9, 19:6, 18:18, 23:8)
Табела: 1. Литванија 21, 2. Италија 19, 3. Полска 18, 4. Унгарија 16, 5. Хрватска 15, 6. Холандија 14
If ?? win later tonight @PZKosz ?? will book their tickets for ??. #FIBAWC #ThisIsMyHouse
? https://t.co/yB4gFvW05u
? https://t.co/6BBBf6oObD
? https://t.co/pBU9D7bidS pic.twitter.com/WnKXS65vPj— Basketball World Cup (@FIBAWC) February 22, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.