Спорт
Црните прогнози станаа реалност – Нејмар цел месец ќе паузира

ПСЖ во Лигата на шампионите на двомечот против Барселона ќе биде без најдобриот играч. Потврдена е долгата пауза за Нејмар по синоќашната повреда на Куп-мечот со Каен.
Бразилецот со сигурност ќе го пропушти првиот меч од осмина-финалето во ЛШ со Барса закажан за следниот вторник, а голема е веројатноста дека нема да може да им помогне на соиграчите и на ревашот закажан за 10 март.
Прогнозите се дека Нејмар ќе биде надвор од стројот најмалку 4 недели.
За потсетување, Барселона и ПСЖ во 2017 година исто така се состанаа во нокаут-фазата од ЛШ. По 4-0 предноста за „светците“ во Париз, Барса во реваншот на „Камп ноу“ славеше со 6-1.
Breaking: PSG confirms Neymar will miss the first leg of its Champions League matchup vs. Barcelona next week after suffering an adductor injury.
He is doubtful for the second leg on March 10 with the injury expected to keep him out for 4 weeks. pic.twitter.com/syA84fEylV
— Bleacher Report (@BleacherReport) February 11, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Дебакл на Барселона во Севилја, Алавес го победи Елче

Во шпанската Примера повеќе нема непоразени тимови. Вечерва, Барселона и Елче доживеаја убедливи порази кај Севилја, односно Алавес.
Севилја ја декласира фаворизираната Барселона на „Рамон Санчез Пихуан“ и им го нанесе првиот пораз оваа сезона со убедлив резултат од 4:1. Севилја ја забележа првата победа на домашен терен оваа сезна и воедно ја победи Барселона прв пат по 2015 година.
Играчите на Севилја носени од публиката „летаа“ по теренот, иницијативата ја крунисаа со гол од пенал. Во 13-та минута погоди ветеранот Алексис Санчез. Дека на Барселона не и се пишува добро на „Рамон Санчез Писхуан“ навести Ромеро со голот за 2:0 во 36-та минута.
Барселона сепак успеа да се врати во мечот во седмата минута од судиското надополнување со голот на Рашфорд.
Во вториот дел Барселона ја контрлираше топката, но до 76-та минута играчите на Ханси Флик не направија ништо пред голот на одличниот Влаходимос.
Аднан Јанузај 40 секунди беше на теренот, немаше контакт со топката, но успеа да направи пенал врз Балде. Левандовски шутираше лошо, топката ја спрати крај голот. Пет минути подоцна ново влезениот Нардагчи имаше „еден на еден“ со Влаходимоз, лошо шутираше, буквално му ја додаде топката на голманот.
Севилја ја нокаутира Барселона во судиското надополнување, од две контри. Првата ја реализира Кармона во 91-та, а втората Актор во 96.минута.
На „Мендизороза“ во Виторија, Алавез го победи Елче. Натпреварот беше здодевен до 76-та минтута. Висенте погоди од пенал, а пет минути подоцна Тони Мартинез ја зголеми предноста на Алавез.
Елче намали со голот на Андре Силва (негов четврти во сезоната) во 93-та минута, но само две минути подцна Боје, поранешен играч на Елче, го постави конечниот резултат.
Foto/ EPA
Спорт
(Видео) Случаен гол на Грилиш за прв пораз на Палас во новата сезона

Во Премиер лигата повеќе нема непоразени тимови. Кристал Палас загиби на гостувањето кај Евертон (2:1) и го доживеа првиот пораз по речиси шест месеци, односно ја прекина серијата од 19 натпревари без пораз во сите натпреварувања.
Евертон стави крај на успешната серија на Кристал Палас со случајниот гол на Џек Грилиш во 93.минута. Палас сами се виновни за овој пораз, имаа предност од 37.минута псо голот на Муњоз, а пота промашија неколку зрели шанси за гол.
Кога не успеаја да го решат натпреварот ги стигна казната. Ендиај погоди од пенал во 76., а потоа во 93.минута Грилиш со првиот гол во дресот на Евертон им ја обезбеди победата на „карамелите“.
Резултати:
Астон Вила – Барнли 2:1 (1:0)
(Мален 25.63 – Угочукву 78)
Евертон – Кристал Палас 2:1 (0:1)
(Ендиај 76п, Грилиш 90+3 – Муњоз 37)
Њукасл – Нотингем Форест 2:0 (0:0)
(Гимареш 58, Волтемаде 84п)
Вулверхемптон – Брајтон 1:1 (1:0)
(Вербруген 21аг – Ван Хеке 86)
17:30 Брентфорд – Манчестер Сити
Спорт
Вардар и Струга одиграа нерешено во дербито на колото

Дербито меѓу Вардар и Струга, во деветтото коло во Првата македонска фудбалска лига заврши без победник. Натпреварот на „Арена Тодор Проески“, заврши 2:2. Вардар од пораз се спаси со гол во судиското надополнување на времето.
Гостите од Струга два пати водеа, но не успеаја да победат. Шабани во 19. минута, го постигна првиот гол,
Во второто полувреме Мато промаши пенал, гостинскиот голман Ангелети го одбрани неговиот удар.
Мато набрзо успеа да постигне гол и да изедначи на 1:1. Четири минути подоцна Компаоре погоди за ново водство на Струга.
Сепак лидерот на табелата не успеа да победи, бидејќи во 92. минута Јанкулов го постави конечниот резултат.
Силекс со минималната победа над Тиквеш ја прекина низата лоши резултати. . Стрелец на единствениот гол во Кратово беше Ади Алиќ во деветтата минута од натпреварот.