Спорт
Црвена ѕвезда ја мина Судува, понатаму оди и Валета (Видео)
Познати се имињата на шест тима кои ќе продолжат понатаму во квалификациите во Лигата на шампионите, меѓу нив ја нема Шкендија. Македонскиот шампион доживеа шокантна елиминација од Номе Калју.
Црвена ѕвезда ја оправда фаворитската улога против Судува. Во Белград српскиот првак славеше со 2:1, откако првиот меч заврши 0:0. Боаче и Марин ги постигна головите за Црвена ѕвезда, а во самиот финиш во 96 минута конечниот резултат го постави Топчагиќ.
Мечот го обележа грубиот старт на Гобељиќ кој доби директен црвен картон.
Противник на Црвена ѕвезда во наредната рунда ќе и биде ХЈК од Финска. Финците во реваншот на домашен терен одиграа 2:2 со Торшван, но пресуден првиот меч и победата на ХЈK од 3:1.
Претставник во наредната фаза ќе има и Малта. Валета и Дуделанж одиграа 1:1, а шампионот на Малта оди понатаму бидејќи првиот меч заврши 2:2. Валта за противник во наредната фаза ќе го има тимот на Номе Калју.
Косовскиот првак Фероникел не успеа во реваншот против ТНС од Велс, иако од првиот меч имаше резултат 2:2. Во Приштина шампионот на Велс победи со минимален резултат 1:0.
Шериф од Молдавија не успеа да приреди чудо против Субиртало Тбилиси. Откако Грузијците забележаа сензационална победа во Молдавија 3:0, во реваншот во Тбилиси играчите на Шериф негативата ја анулираа во првите 11 минути, но до крајот не успеаја да постигнат ниту еден гол, додека домаќините преку Роловиќ еднаш ја погодија нивната мреже и се пласираа понатаму.
Натпреварите од наредната рунда ќе се играат на 23/24 јули, а реваншите на 30/31 јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.