Кошаркарот на Хјустон Рокетс, Џејмс (Брадата) Харден е позитивен на Ковид-19, пренесуваат американските медиуми. Двајцата најдобри играчи на „ракетите“, Харден и Вестбрук, не отпатуваа за Орландо со своите соиграчи.

Останува отворено прашањето дали Брадата ќе може да му помогне на својот тим до крајот на сезоната.

Харден е 30-годишен, а во Хјустон е од 2012 година. Дојде од тимот на Оклахома. Пред 2 сезони беше прогласен за МВП на НБА-лигата.

Осумпати досега бил дел од олстар-викендите и петпати се нашол во најдобрата петорка на лигата.

Претходно, и за неговиот соиграч Расел Вестбрук стигна веста дека е позитивен на коронавирусот.

Вестбрук позитивен на Ковид-19

Менаџерот на Тотенхем, Жозе Мурињо, пред мечот од 36. коло во ПЛ против Њукасл ја коментира одлуката на Судот за спортска арбитража да не го суспендира Манчестер сити во УЕФА-натпреварите во следните две сезони.

„Ако Сити не е виновен, а казнет е со неколку милиони, тогаш тоа е срамота. Ако не си виновен, не треба да бидеш казнет. Ако си виновен, тогаш треба да бидеш исфрлен. Срамна одлука, катастрофа. Не велам дека Сити е виновен, само велам дека ако не си виновен, не плаќаш ниту фунта. Знам дека тие имаат пари, но се работи за принцип. Можеби не ни погрешиле воопшто, а треба да плаќаат милиони евра за ништо“, вели Мурињо.

Тој ја коментира и ситуацијата со финансискиот фер-плеј во Тотенхем.

„Спарси е Спарси и не мислам дека тој го менува менталитетот, кој од многу аспекти е повеќе од коректен. Мислам дека ова ќе биде крај на финансискиот фер-плеј затоа што нема поента. Во мојата глава е јасно, ако Сити не е виновен, одлуката е срамна, ако е виновен, пак е срамота“, смета Португалецот.

Кошаркарските фанови на официјалната страница на Евролигата ја избраа најдобрата петорка во елитното натпреварува за изминатата сезона, која поради пандемијата што ја предизвика коронавирусот не го доживеа својот крај.

Петмина играчи од пет различни екипи ја формираа најдобрата петорка во Евролигата за сезоната 2019/2020.

Тројца од нив се бекови Ник Калатес (Панатинаикос), Мајк Џејмс (ЦСКА Москва), Шејн Ларкин (Ефес), крилен-центар е Никола Миротиќ (Барселона), а центар Никола Милутинов (Олимпијакос).

Двајца од избраните од наредната сезона имаа нови клубови, Ник Калатес ќе игра во Барселона, а Никола Милутинов во ЦСКА Москва.

Presented by @7DAYSBasketball basketball here is the 'Fans Choice Starting Five' as voted by you! 🔥

Hit the link for more on the team 👇#GameON I #EUROLEAGUEUNITED

— Turkish Airlines EuroLeague (@EuroLeague) July 14, 2020