Спорт
Да се биде или не за Барселона и Атлетико, Наполи оди по виза за осмина-финална
Вечерва со натпреварите во групите А, Б, Ц и Д ќе биде комплетирано четвртото коло во Лигата на шампионите. Дербито се игра на „Ноу Камп“ во Барселона, кеде ќе гостува италијанскиот вице-првак Интер.
Дербито во Ц-групата е најважниот меч за Барселона и Интер од почетокот на сезоната, бидејќи Баерн доминира во оваа група и се очекува вечерва да слави во Плзен, против Викторија, со што ќе го завери местото во нокаут фазата.
Каталонскиот гигант е желен да им се реваншира на „нероаѕурите“, за поразот од минатиот вторник.
Во Барселона збеснаа поради арбитражата на „Џузепе Меаца“, па за поразот го обвинија словенечкиот судија Славко Винчиќ.
Доколку Интер остане непоразен во Каталонија, ќе направи голем чекор кон пласман во осмина-финалето.
Група Ц, табела:
Баерн 9, Интер 6, Барселона 3, Викторија 0
Слично како Баерн и Наполи со евентуална победа над Ајакс ќе се пласира во осмина-финалето. Минатата недела, Наполитанците го декласираа Ајакс среде Амстердам со 6:1 и според тоа се апсолутни фаворити вечерва.
Ливерпул ќе гостува во Глазгов, по триумфот во првиот меч од 2:0. Ренџерс, во првите три кола имаат гол разлика 0:9.
Група А, табела:
Наполи 9, Ливерпул 6, Ајакс 3, Ренџерс 0
Фаворитот во Б-групата, Атлетико Мадрид има императив на победа против изненадувањето Клуб Бриж. Белгијците имаат три победи и речиси се сигурни учесници во нокау-фазата. Атлетико по стратната победа над Порто доживеа два порази на гостувањата во Леверкузен и Бриж.
Атлетико ја дели втората позиција со Порто и Баер Леверкузен со по три бода.
Навивачите на „јорганџиите“, немаат многу причини за оптимизам по поразот од 0:2 во Бриж минатата недела и тесната победа над Џирона (2:1) во Ла Лига минатиот викенд.
Вториот натпревар од групата ќе се игра во Леверкузен каде „фармацевтите“ ќе бараат реванши за поразот од 0:2 во Порто. На клупата на „фармацевтите“ во Лигата на шампионите ќе дебитира Чаби Алонсо.
Група Б, табела:
Бриж 9, Баер 3, Порто 3, Атлетико 3
Драметично е во Д-групата каде сите четири екипи се во игра за пласман во нокаут-фазата. Во најдобра позиција е Спортинг кој го пречекува последнопласираниот Олимпик Марсеј.
Марсеј ги уништи „лавовите“ на својот Велодром со 4:1, па тешко може да се каже дека Португалците се фаворити само затоа што играат на свој терен.
Во вториот натпревар од групата Тотенхем го пречекува германски Ајнтрахт со кого пред осум дена ремизираше во Франкфурт.
И овде тешко е да се предвиди исходот со оглед на променливата форма на двата тима.
По серијата од три победи, Ајнтрахт е без триумф на последните два меча, а минатиот викенд беше убедливо поразен во Бохум со 3:0.
Од друга страна, Тотенхем славеше во Брајтон со неубедливи 1:0, што беше само втора победа во последните пет натпревари за тимот на Антонио Конте.
Група Д, табела:
Спортинг 6, Тотенхем 4, Ајнтрахт 4, Марсеј 3.
Вечерта во Лигата на шампионите ќе ја отворат од 18.45 часот дуелите Наполи-Ајакс и Атлетико-Бриж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.
Спорт
Вардар 1961 лесно славеше во дербито со Еурофарм Пелистер
Вардар 1961 го доби првото дерби во првенствот против Еурофарм Пелистер оваа сезона. Црвено-црните во Скопје славеа со 27:24 (15:11).
Првото полувреме, во кое Вардар1961 одигра речиси беспрекорно во одбраната, со која диригираше голманот Еспиња, му ја трасираше победата на домашниот тим. Еспиња во првото полувреме забележа седум одбрани, а сето тоа го зачини во финишот на второто полувреме кога одбрани два седмеци (Радивијевиќ, Кузмановски) и ги спречи играчите од Битола да внесат неизвесност во натпреварот.
Вардар 1961 прв пат се одлепи од протиникот во десеттата минута кога стекна предност од три гола (5:2, 6:3). На десет минути до крајот на првиот дел црвено-црните дојсоа до највисоката предност 11:6.
Првата половина од вториот дел им припадна на играчите на Пелистер, во 45.минута се доближија на гол негатива (20:19). Црвено-црните експресно се консилидираа и со серија 5:2 го одбија нападот на противникот.
Марко Срдановиќ го предводеше Вардар 1961 со осум гола, три помалку постигна ветеранот Гоце Георгиевски. Кај Пелистер најдобри беа репрезентативците Никола Митревски со десет одбрани и Филип Кузмановски зсо седум гола.