Спорт
Да се биде или не за Ливерпул
Вечерва во групите Е, Ф, Г и Х ќе се одигра последното коло во Лигата на шампионите. Познато е дека од оваа половина пласман во осмина-финалето веќе обезбедија Барселона и Лајпциг.
Европскиот првак Ливерпул неочекувано во последното коло ќе ја решава својата судбина во Лигата на шампионите. „Црвените“ гостуваат во Салцбург и со евентуален пораз ќе ја завршат сезоната во елитата.
„Знаеме дека ова за нас е финале. Секогаш одиме по потешкиот пат. Навикнати сме на вакви работи. Знаеме дека Салцбург ќе дадат се од себе за да не победат. Нив само победа ги носи во осмина-финалето. Ние сме лудо амбициозни, ќе се бориме. Ова за нас е најважниот меч од почетокот на сезоната“, рекол менаџерот на Ливерпул Јирген Клоп.
Во оваа група на Наполи му е потребен бод против Генк за да обезбеди осмина-финале. Победа или нерешено ги носи во нокаут-рундата и Ливерпул. Во случај на пораз Ливерпул ќе испадне, а во осмина-финалето ќе оди Салцбург.
Барселона е сигурна во својата група, поради што против Интер ќе игра без најголемите ѕвезди. Победа ги носи Интер понатаму бидејќи имаат подобар меѓусебен скор од Борусија.
Лајпциг од Г-групата се веќе во осмина-финалето, а вториот патник од групата ќе биде Зенит или Лион. Русите со победа во Лисабон над Бенфика ќе бидат осмина-финалисти.
Три екипи се во трка по двете места во Г-групата. Челси на хартија имаат најлесен противник. „Сините“ само треба да победата против Лил и ќе бидат сигурни осмина-финалисти. Ајакс ќе ја пречека Валенсија и со бод ќе си обезбеди пласман меѓу најдобрите 16 екипи во Европа.
Група Е:
Салцбург-Ливерпул
Наполи-Генк
Табела: Ливерпул 10, Наполи 9, Салцбург 7, Генк 1
Група Ф:
Интер-Барселона
Борусија Дортмунд-Славија Прага
Табела: Барселона 11, Интер 7, Борусија 7, Славија 2
Група Г:
Лион-Лајпциг
Бенфика-Зенит
Табела: Лајпциг 10, Зенит 7, Лион 7, Бенфика 4
Група Х:
Ајакс-Валенсија
Челси-Лил
Табела: Ајакс 10, Валенсија 8, Челси 8, Лил 1
Натпреварите во Е-групата ќе започнат во 18.55 часот. Во останатите три групи мечевите ќе стартуваат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капело му се восхитува на голманот на Рома
Пред натпреварот помеѓу Јувентус и Рома, легендарниот тренер Фабио Капело ги откри своите очекувања за дербито во Серија А.
Капело некогаш ги водеше двата клуба, а сега издвои четири фудбалери кои би можеле да бидат клучни фактори во играта, а како Икс фактор го издвои голманот на Рома.
„Свилар. Тој е најдобриот голман во лигата со неверојатен преглед на играта и извонредни одбрани. Тој е голман кој се смета за напаѓач во целокупниот биланс на тимот“, рече славниот Капело.
Што се однесува до другите играчи, Капело го гледа и бразилскиот бек Весли како клучен фактор во Рома, додека Кенан Јилдиз и Франциско Консеисао се во преден план во тимот на Јувентус.
Јуве и Рома се среќаваат во сабота на стадионот „Алијанц“ во Торино во 16-то коло, во Серија А.
„Црно-белите“ се петти на табелата со 26 бода, четири бода зад четвртопласираниот противник.
Foto/ freerangestock
Спорт
Мбапе е на прагот да го сруши рекордот на Роналдо
Килијан Мбапе е на чекор до историско остварување во дресот на Реал Мадрид.
Францускиот напаѓач постигна два гола во победата на „кралскиот клуб“ од 3:2 над третолигашот Талавера во Купот, со што дополнително го зголеми својот учинок во календарската година.
Со овие два гола, Мбапе дојде до бројката од 58 гола во 2025 година, што е само гол помалку од израмнување на рекордот на Кристијано Роналдо од 2013 година. Португалецот постигна 59 гола во Реал Мадрид таа година.
Доколку Мбапе ја погоди мрежата во последниот натпревар од годината против Севилја, ќе го израмни рекордот, а со два или повеќе гола, ќе стане и апсолутен рекордер на клубот.
Брилијантниот Французин одлично се игра во тековната сезона 2025/26 – постигна 29 гола на 26 одиграни натпревари. Тој постигна 17 гола на 17 натпревари во Ла Лига, постигна девет гола на пет натпревари во Лигата на шампионите, додаде два во Кралскиот куп, додека постигна и еден гол на Светското клупско првенство во САД.
Foto/ depositphotos
Спорт
Шкендија против Лех или Самсунспор во плејофот
Македонскиот шампион Шкендија, успеа да избори пласман во нокаут фазата, во Конференциската лига. Во Ларнака, синоќа, Шкендија загуби од АЕК (1:0), но поради гол разликата, успеа да го освои 22-то место.
Шкендија стана првиот тим од Македонија што успеал да влезе во нокаут фазата на едно европско натпреварување. Во плејофот противник на Шкендија ќе биде Лех познањ (полска) или Самсунспор (Турција). Натпреварите се на програмата на 19 и 26 февруари наредната година. Познато е дека Шкендија ќе биде домаќин во првиот натпревар.

Историскиот пласман во нокаут фазата на клубот му донесе заработка од 6.000.000 евра. Пласманот во главната фаза и резултатите остварени во шесте натпревари на клубот му донесоа 5.800.000 евра, а дополнителни 200.000 евра клубот заработи со пласманот во плејофот.
Foto/ EPA

