Интер се наоѓа во тешка финансиска ситуација. Дека тоа е така покажува и информацијата која ја објави „Ил Кориере“, дека клубот од Милано, за трансферот на Ромелу Лукаку досега на Манчестер јунајтед им платил само 24 милиони евра.

Ромелу Лукаку, во летниот преоден рок во 2019 година, од Манчестер јунајтед се пресели во Интер. Клубовите се договорија Интер да плати 74 милиони евра за белгискиот напаѓач.

Две години подоцна, во Јунајтед откриле дека Интер досега им платиле само 24 милиони евра.

На „Олд Трафорд“, имаат план како да го наплатат долгот. Ед Вудворд, спортскиот директор, побарал Интер да им го испрати Милан Шкринијар или пак Лаутаро Мартинез за да го покрие долгот.

Интер наскоро ќе се огласи во јавноста по ова барање од Манчестер.

Инаку, Ромелу Лукаку, игра во неверојатна форма во Интер. За 18 месеци одиграл 82 натпревари, постигнал 58 голови и забележал 12 асистенции.

Фудбалскиот клуб Арсенал, по завршувањето на сезоната, ќе ги разгледа понудите за францускиот напаѓач, Александар Лаказет. Доколку на „Емирејтс“ добијат добра понуда, тогаш Лаказет ќе може да го напушти клубот.

Александар Лаказет има договор со Арсенал до јуни 2022 година. Овој напаѓач според „Трансфермаркт“ на фудбалскиот пазар има вредност од 35 милиони евра.

„Фудбал Лондон“, тврди дека сериозен интерес за Лаказет покажува Монако.

Лаказет, сезонава има одиграно 30 натпревари, постигнал 11 голови и забележал три асистенции.

Холанѓанецот Џорџињо Вајналдум, по завршувањето на сезоната, ќе го напушти Ливерпул. Долго време се шпекулираше дека Вајналдум, ќе се пресели кај поранешниот селектор на Холандија, Роналд Куман во Барселона, меѓутоа познатиот италијански новинар, Сандо Сабатини, тврди дека Холанѓанецот од наредната сезона ќе игра во Серија А.

„Знам дека тој им ветил на Интер дека како слободен играч ќе дојде во Италија, рекол Сабатини.

Вајналдум е поранешен фудбалер на Феенорд, ПСВ и Њукасл откаде се пресели во Ливерпул во 2016 година. За „црвените“ одиграл 222 натпревари, постигнал 22 гола. Со Ливерпул, Вајналдум, стана шампион на Англија и Европа.