Спорт
Дакар: Победата доделена на Бенавидес по смртта на Гонсалвеш
На Аргентинецот Кевин Бенавидес му беше доделена победата на седмата етапа на Дакар релито откако тој застана да му помогне на Пауло Гонсалвеш по инцидентот во кој португалскиот мотоциклист го загуби животот.
Возачот на Хонда, Бенавидес водеше на најдолгата етапа на релито од Ријад до Вади Ал-Давасир пред Гонсалвеш да се судри по 276 километар, а неколку возачи застанаа да му помогнат, вклучувајќи ги Бенавидес, Тоби Прајс и Штефан Свитко.
Бенавидес ја заврши етапата со 6:35 заостанување зад Жоан Бареда, но тој доби бонус секунди и затоа победата е негова со 1:23 предност пред шпанскиот колега.
Во пласман на автомобили, Карлос Саинс стигна до својата трета етапна победа, за да го зголеми водството во генерален пласман. Шпанецот, кој оди на трета победа на Дакар, по 546 километри имаше 2 минути предност пред актуелниот шампион Насер Ал-Атијах, и сега има точно 10 минути предност. Трет во генерален пласман е Стефан Петерхансел, кој сега има 19 минути заостанување зад Саинс на пет етапи до крајот на трката. Двократниот Ф1 шампион, Фернандо Алонсо беше шести и сега е блиску до топ 10 пласман во генерален пласман.
Трагедија на Дакар релито – почина ветеранот Пауло Гонсалвеш
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.