Спорт
Далас без Дончиќ победи во Оклахома, Кингси го изненадија Сан Антонио (Видео)

Далас Маверикси, без Лука Дончиќ, забележаа победа во Оклахома, 106:103. Оклахома со третиот пораз во последните пет натпревари „падна“ на осмата позиција на Западот. Лесни победи изминатата ноќ забележаа Голден стејт вориорс, ЛА Лејкерс, ЛА Клиперс и Сакраменто кингс.
Далас, со многу труд, извлече победа во Оклахома, чии играчи имаа два обида во последниот напад да стигнат до победата. Конечниот резултат го постави Рајан Брокоф од линијата за слободни фрлања.
Во отсуство на Дончиќ, на неговата позиција играше Трејк Брук, кој го предводеше тимот со 25 поени и осум асистенции. Ветеранот Дирк Новицки забележа седум поени и 13 скока.
Според праксата, најдобри кај Оклахома беа Пол Џорџ 27 поени, 11 скока, Стивен Адамс 20 поени, 15 скока и Расел Вестбрук кој го забележа 30 трипл-дабл во сезоната (25 поени, 11 скока, 11 асистенции).
Сакраменто Кингси забележаа победа во Сан Антонио 116:113. Во последните три минути Спарси имаа поен предност, но до крајот на мечот не поентираа, а примија осум кошеви.
Бади Хилд ги предводеше Кингси со 26 поени, а на спротивната страна се истакна Ламаркус Олдриџ со 27 поени и 18 скока. Добар мач кај Сакраменто одиграа Србите Богдан Богдановиќ (15 поени, 5 скока, 3 асистенции) и Немања Бјелица (10 поени, 6 скока).
Резутати:
Њу Орлеанс Пеликанс – ЛА Лејкерс 102:130
Оклахома Тандер – Далас Маверикс 103:106
Сан Антонио Спарс – Сакраменто Кингс 106:113
Денвер Нагетс – Вашингтон Визардс 90:95
Голден стејт Вориорс – Шарлот Хорнетс 137:90
ЛА Клиперс – Мајами Хит 113:96
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.