Спорт
Дали Мерцедес, конечно, ја покажаа вистинската брзина?
Луис Хамилтон го израмни најдоброто време на Себастијан Фетел во интересниот финиш на зимското тестирање во Формула 1, но светскиот шампион вели дека Ферари имаат јасна предност.
Само 0.003 секунди ги разделија Хамилтон во Мерцедес и Фетел во Ферари во последниот осми ден тестирање во „Каталуња“, најавувајќи интересен старт на сезоната на 17 март во Мелбурн. Фетел имаше поставено најдобро време од 1:16.221 во утринската сесија на најбрзите Ц5 гуми, време до кое попладнето дојде и Хамилтон. Но, импресивното зимско тестирање на Ферари заврши со СФ90 болидот застанат на патеката со проблем со електрониката, трет ваков проблем последните три дена.
Хамилтон изјави дека Ферари имаат значителна предност пред петкратните актуелни шампиони Мерцедес, но по ваков финиш на тестот никој не е сигурен.
„Ферари се најбрзи досега. За нас ова ќе биде најголемата битка која сме ја имале. Мислам дека потенцијално разликата е половина секунда“, вели Англичанецот.
Зимското тестирање честопати знае да „излаже“ со резултатите, но повеќето експерти оценија дека Ферари се пред Мерцедес и во краткорочното излегување на патеката и во симулации на трки.
БАРСЕЛОНА – 4.ДЕН
1.Себастијан Фетел (Ферари) 1:16.221, 110 кругови
2.Луис Хамилтон (Мерцедес) 1:16.224, 61 кругови
3.Валтери Ботас (Мерцедес) 1:16.561, 71 кругови
4.Нико Хилкенберг (Рено) 1:16.843, 51 кругови
5.Данил Квјат (Торо росо) 1:16.898, 131 кругови
6.Карлос Саинс Јуниор (Мекларен) 1:16.913, 134 кругови
7.Роман Грожан (Хас) 1:17.076, 73 кругови
8.Даниел Рикардо (Рено) 1:17.114, 52 кругови
9.Кими Раиконен (Алфа Ромео) 1:17.239, 132 кругови
10.Кевин Магнусен (Хас) 1:17.565, 94 кругови
11.Макс Ферстапен (Ред бул) 1:17.709, 29 кругови
12.Серхио Перез (Рејсинг поинт) 1:17.791, 104 кругови
13.Роберт Кубица (Вилијамс) 1:18.993, 90 кругови
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

