Спорт
Дали ВАР се користи само против Барселона?

По поразот од Реал Мадрид во „Ел класико“ со 1:3, сите во Барселона се уверени дека главната причина е поради користењето на ВАР технологијата против нивниот тим по пеналот кој беше досуден за фаулот на Клемен Ленгле над Серхио Рамос.
Тренерот Роналд Куман беше бесен на одлуката да се досуди пенал на 1:1 и директно отиде кај судијата Мартинез Мунуера прашувајќи го: „Зошто? Кажи ми виде ли минатата недела против Хетафе, два картони? Само за тоа се користи ВАР“.
По мечот, Холанѓанецот продолжи со расправијата.
„Секако дека не се согласуваме, тоа не беше пенал. Се надевам дека еден ден ќе ми објаснат како се користи ВАР во Шпанија. Имаме пет меча во кои ВАР се користи само против Барса. Не добивме пенал над Меси против Севилја, два црвени картони против Хетафе. Зошто се користи само против Барса? ВАР треба да е супер, но само ако се користи за сите тимови. Не ми е проблем тоа што фудбалерите на Мадрид вршат притисок на судијата, но тие ја носат конечната одлука“, вели Куман.
I'm not gonna say it WASN'T a penalty. An experienced player like Ramos will make the most of a tug on his shirt. And this is the lenglet guy who some fans think is 'WORLD CLASS'. He isn't Barcelona level. pic.twitter.com/Jqbk6dw74Z
— ABHI ? (@AbsFcb) October 25, 2020
Ramos empujando a Lenglet primero, penal para el Madrid. No sé podía saber. pic.twitter.com/UAfQdxfoiq
— Angel (@oci0so) October 24, 2020
Ronald Koeman speaks about the VAR pic.twitter.com/TThcUzzsGD
— FC Barcelona (@FCBarcelona) October 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Турција во дербито на првата фаза ја победи Србија

Српската кошаркарска репрезентација го претрпе првиот пораз во групната фаза на Евробаскетот, Турција беше подобра и славеше со 95:90, со што го освои првото место во Групата А.
Натпреварот беше вистинско уживање за љубителите на кошарката, со спектакуларен дуел помеѓу Никола Јокиќ и Алперен Шенгун кој практично го диктираше темпото на двата тима.
Од првите минути, средбата беше неизвесна. Селекторите Ергин Атаман и Светислав Пешиќ не калкулираа, а нивните тимови постојано се менуваа во водство.
Србија започна добро, но Турција набрзо го презеде водствотт. Во текот на сите 40 минути резултатот беше речиси изедначен, а решавачкиот момент се случи на крајот кога Никола Јовиќ промаши зицерот за +6, а Марко Гудуриќ ја загуби топката во критична ситуација.
Проблем за Србија е повредата на Алекса Аврамовиќ, кој го напупти теренот во финишот на првото полувреме и не се врати на теренот. Турција ја топрпедира Србија со 18 тројки од 31 шут.
Никола Јокиќ беше најефикасниот играч во Србија со 22 поени, девет скока и четири асистенции. Марко Гудуриќ додаде 12 поени, додека Филип Петрушев постигна 11 поени.
Алперен Шенгун го предводеше турскиот тим со 28 поени, 13 скока и осум асистенции, додека Шејн Ларкин постигна 23 поени и девет асистенции, а Чеди Осман уфрли 16 поени.
Во осминафиналето Турска ќе игра против Шведска, а Србија против Финска.
foto/ EPA
Спорт
Хосни му го донесе Суперкупот на Пелистер

Ракометарите на пелистер го освоија Суперкупот, со што официјално започна сезоната на домашните терени. Пелистер во Кавадарци го победи Вардар со 27:26. Мечот го реши Хосни со гол на седум секунди до крајот.
Првата половина од првиот дел им припадна на пелистерци, создадоа два гола предност, но Вардар бргу одговори, ја презеде контролата, изедначи, а во 26.минута црвено-црните ја достигнаа највисоката разлика (9:13).
Тука Вардар застана, во наредните четири минути му дозволи на Пелистер да постигне три гола (12:13).
Добрата игра од финишот на првиот дел Пелистер ја пренесе и во втрото полувреме, кога си ја врати предноста од два гола.
Актуелните шампиони имаа во 53. минута 26:22, но не знаеја да го затворат натпреварот. Вардар се врати со серија од четири гола. На седум секунди до крајот Хосни го постигна голот за победа.
Foto/ facebook.com/hceurofarmpelister
Спорт
(Видео) Црна Гора испадна од ЕП, Вучевиќ во солзи се збогува со репрезентацијата

Кошаркарската репрезентација на Црна Гора доеживеа елиминација од Евробаскетот. Во последниот натпревар во Б групата, Црна Гора загуби од Велика Британија 89:83. Пред дуелот меѓу Шведска и Литванија, три селекции имаат по една победа, во тој круг најдобра е Шведска која од четвртото место ќе оди во осминафиналето.
Натпреварот во Тампере беше последен во дресот на националниот тим за Никола Вучевиќ. Центарот на Чикаго Булс единствен беше на потребното ниво против Велика Британија со 31 поени, 11 скока и седум асистенции.
Солзите на Никола Вучевиќ во микс зоната на „Нокиа Арена“ во Тампере ќе останат единствената слика што ќе се памети од петтиот настап на Црна Гора на Евробаскетот.
„Имаше некои ситуации, но не е вина на судиите, туку наша вина. Многу грешки за натпревар од вакво ниво. Им дозволивме повеќе отколку што тие самите можеа. Немавме фокус, енергија и желба за игра… Не знам… Едноставно не игравме на нивото, не ја оправдавме улогата на фаворити, не бевме на потребното ниво. Наша вина е“, рече Вучевиќ.
Вучевиќ потврди дека денешниот дуел беше негово збогување со репрезентацијата.
„Имаше добри и лоши моменти, што е дел од кариерата. Би сакал да им се заблагодарам на сите, почнав како кадет, би сакал да им се заблагодарам на сите мои соиграчи со кои поминав низ многу работи и ќе ги паметам тоа – тие пријателства. Што се однесува до самата кошарка, тоа Светско првенство останува како добар спомен, денес жалам што не успеавме, ова ќе беше голем успех. Благодарност до навивачите кои секогаш нè следеа“.
Foto/ EPA