Спорт
Далиќ: Заслужен пораз, ни фали еден „вистински“ напаѓач

Хрватска во полуфиналето на СП во Катар доживеа тежок 3:0 пораз од Аргентина, за да игра меч за бронза во сабота против поразениот од второто полуфинале помеѓу Франција и Мароко, и хрватскиот селектор Златко Далиќ најави дека и покрај поразот ќе одат на медал.
„Им честитам на Аргентинците за пласманот во финале, а на моите момци немам што да им замерам. На почетокот ја имавме контролата, но понекогаш среќата ќе те посака, а понекогаш ќе ти врати. Колку што сфатив тие бараа корнер, а од таа акција примивме гол. Но, го загубивме натпреварот и нема што да се каже и треба да се подговиме за следниот меч. Креиравме добри ситуации, но не бевме конкретни. Ни фалеше еден прав, вистински напаѓач. Заслужен пораз. Брозовиќ? Почувствува болка во мускулот и не сакавме да ризикуваме. Да ни го нудеше ова некој пред СП, ќе го прифатевме веднаш, но сега боли“, признава Далиќ.
Da nam je ovo netko ponudio prije prvenstva sigurno bi prihvatili, rekao je Zlatko Dalić, izbornik hrvatske nogometne reprezentacije nakon 0-3 poraza od Argentine u polufinalu. Čestitam Argentini. Nama ostaje da podignemo glave i na pravi način odigramo utakmicu za treće mjesto. pic.twitter.com/XDlMUpaTF6
— HINA (@Agencija_HINA) December 13, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погребан Диого Жота, соиграчите од Ливерпул дојдоа со венци во форма на дресови

Погребот на португалскиот фудбалер Диого Жота и неговиот брат Андре Силва се одржа во Гондомар.
Членови на семејството, пријатели и колеги фудбалери присуствуваа на погребната церемонија.
Претставници на Ливерпул беа, меѓу другите, Вирџил ван Дајк и Енди Робертсон.
Едниот носеше букет цвеќе во форма на дрес со број 20 (бројот на Жота), а другиот со број 30 (бројот на Андре Силва).

Тука беа и португалските репрезентативци Бруно Фернандеш, Рубен Дијас, Жоао Феликс, Бернардо Силва, Руи Патрицио, а поранешниот соиграч Жоао Мутињо положи венец во име на Вулверхемптон.

Спорт
„Во Фенербахче ми нудеа допинг“

Францускиот фудбалер Алан Сен Максиман излезе во јавноста со многу сериозни обвинувања против Фенербахче, каде што играше претходната сезона.
Тој беше позајмен од Ал Ахли во турскиот клуб. Одигра 31 натпревар, забележа четири гола и исто толку асистенции.
Сен Максиман беше гостин во подкаст со францускиот јутјубер Зак Нани и искажа зборови што ќе одекнат.
Имено, тој изјави дека му нуделе допинг во турскиот клуб, со закани дека не смее да зборува за тоа.
„Фенербахче не стана шампион и не е шампион 11 години поради работи што немаат никаква врска со фудбалот. Клубот е опколен од надворешни влијанија. Дури и се обидоа да ме натераат да земам допинг таму во еден момент. Луѓето не го знаат тоа, бидејќи не можете отворено да зборувате за тоа кога сте таму, тие ви се закануваат од сите страни. Ти велат: „Ако зборуваш, ќе ти направиме ова или она“. Во Турција бев во ситуации што ги надминуваат границите на фудбалот“, рече Максиман.
Сепак, тој зборуваше со пофалби за Жозе Мурињо, но дека атмосферата во Истанбул е многу проблематична.
Се очекува Фенербахче да даде соопштение во оваа пригода.
Foto/ EPA
Спорт
Ливерпул остатокот од договорот на Жота ќе му го исплати на неговото семејство

Ливерпул ќе ги исплати преостанатите две години од договорот на починатиот Диого Жота на неговото семејство.
Како што објави португалскиот „Рекорд“, клубот од „Енфилад“, откако ќе го повлече дресот со број 20, ќе ги измири и преостанатите две години од договорот, кои ќе му бидат исплатени на семејството на починатиот Жота.
Фудбалскиот свет беше запрепастен од информацијата дека португалскиот фудбалер загинал во сообраќајна несреќа, кога тој и неговиот брат починале во Шпанија, во близина на португалската граница во областа Замора.
Жота беше член на Ливерпул, каде што пристигна во 2020 година и оттогаш постигна 65 гола во 182 натпревари. Со Ливерпул ја освои Премиер лигата, ФА Купот и два Лига Купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Играше 49 пати за Португалија и постигна 14 гола, двапати освојувајќи ја Лигата на нации.
Погребот на браќата Жота ќе биде оваа сабота.
Foto/ EPA/PETER KLAUNZER