Спорт
Данците „спасија“ реми со Хрватска, несфатлив колапс на Србија против Норвешка
Хрватска не успеа да направи подвиг и да ги победи фаворизираните Данци во првото големо дерби на Светското првенство во ракомет, на крајот задоволувајќи се со 32:32 реми, резултат кој далеку повеќе им одговара на Данска во борбата за четврт-финале. Бидејќи Хрватите веќе загубија од Египет во нивната група во шокантното отварање на СП, Данска со потенцијалните победи над САД и Египет е сигурен освојувач на првото место во групата 3.
Во возбудлив меч, „коцкестите“ имаа предност во поголемиот дел од првото полувреме, по што во второто се играше гол-за-гол, за на крајот Данска да успее да стигне до посакуваниот резултат, а Лука Циндриќ во последните секунди да промаши празен гол од огромна далечина. Симон Питлик беше најдобар кај Данска со големи девет гола, Микел Хансен додаде осум (од кои седум од седум метри), додека кај Хрватска, Марин Шипиќ заврши со девет гола, а Филип Главаш имаше осум.
Србија пак, успеа да ја „прокоцка“ предноста од три гола разлика која ја имаше по првото полувреме против фаворизираната Норвешка, за на крај да биде поразена со 31:28, намалувајќи си ги шансите за пласман во четврт-финале.
Во првото полувреме, предводени од фантастичниот голман Дејан Милосављев, и со играта на Орбовиќ, Србија имаше четири гола разлика, но, по повредата на Јовица Николиќ, потфрлија во второто дозволувајќи Норвешка да направи камбек и да стигне до победа. Сагосен и Бартолд имаа по пет гола за „викинзите“, додека кај Србија, Радивојевиќ, Орбиќ и Николиќ имаа исто так по пет гола.
СП РАКОМЕТ 2023
ГРУПА 3
Катар – Холандија 30:32 (19:15)
Германија – Аргентина 39:19 (24:11)
Норвешка – Србија 31:28 (14:17)
ГРУПА 4
САД – Бахреин 27:32 (13:17)
Египет – Белгија 33:28 (22:15)
Данска – Хрватска 32:32 (15:16)
ПРЕЗИДЕНТС КУП, ГРУПА 2
Алжир – Македонија 25:40 (11:19)
Мароко – Тунис 25:30 (13:13)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите дивееја и го прекинаа мечот меѓу Будуќност и Сутјеска
Црногорските спортови се занимаваат со скандали, а нов беше виден во плејофот од локалниот шампионат меѓу Сутјеска и Будучќост.
Тој меч вечерва беше прекинат поради тепачка на навивачите во втората четвртина.
Будуќност водеше со 36:26, кога популарните „Варвари“ влегоа на теренот преку официјалниот влез и почнаа да ги провоцираат домашните навивачи.
Како што пренесува порталот „РТЦГ“, навивачите на Сутјеска одговориле со фрлање столчиња.
Дури потоа реагираше полицијата и ги избрка гостинските навивачи од салата.
Имаше план да излезе и домашната „Војвода“, но Сутјеска одби да го продолжи мечот без своите поддржувачи.
Натпреварот нема да продолжи вечерва, а се уште не се знае каква ќе биде одлуката на Кошаркарскиот сојуз на Црна Гора.
Спорт
Крај на уште една фудбалска љубов, Хесус Навас ја напушта Севиља
Фудбалскиот клуб Севиља денеска соопшти дека капитенот на тимот, Хесус Навас, ќе го напушти клубот по крајот на сезоната.
„Хесус Навас ќе ја напушти Севиља на крајот на сезоната 2023/24 и тоа им го соопшти на клубот, соиграчите и раководството на утринскиот тренинг“, се вели во соопштението на клубот.
Навас помина вкупно 17 години во Севиља, со што доби статус на клупска легенда.
38-годишниот фудбалер одигра 688 натпревари за Севиља во сите натпреварувања и освои четири Лига Европа, два Копа дел Реј, Суперкупот на Европа и Суперкупот на Шпанија.
Хесус Навас прво помина десет години во Севиља, од 2003 до 2013 година, пред да се пресели во Манчестер Сити со кој ја освои Премиер лигата и два Лига купа, пред да се врати во Андалузија во 2017 година.
Со шпанската репрезентација беше светски првак во 2010 година и европски првак во 2012 година, а во 2023 година ја освои Лигата на нации.
Спорт
Роналдо далеку пред конкуренцијата, најмногу заработил во последните 12 месеци
Магазинот „Форбс“ ја објави листата на најплатени спортисти на која доминира Португалецот Кристијано Роналдо со неговиот неверојатен договор во Саудиска Арабија.
Кристијано Роналдо е неприкосновен со 260 милиони долари годишно, 200 милиони добива од Ал-Наср, а останатите 60 милиони се од спонзорските договори.
Португалецот по четврти пат во кариерата е лидер на листата на најплатени спортисти во светот, овојпат најубедливо благодарение на дарежливите Саудијци.
Втор на листата е голферот Џон Рам (218 милиони), трет Лионел Меси (135 милиони), четврти Леброн Џејмс (128,2 милиони).
На петтото место е предводникот на Милвоки Бакс, Јанис Антетокунмпо, кој во последните 12 месеци инкасира 111 милиони долари, од кои 46 милиони се од договорот со Бакс, а останатите од спонзори.
Во првите десет играчи кои најмногу заработиле во последните 12 месеци се и Килијан Мбапе (110 милиони), Нејмар (108 милиони), Карим Бензема (106 милиони).
Интересно, трикратниот МВП на НБА лигата, Никола Јокиќ се наоѓа на 32. на оваа листа.
Заработил 56,1 милиони долари, од кои најголем дел се од договорот со Денвер (48,1), додека остатокот е од спонзорства.
Најдобриот и најтрофеен тенисер во историјата Новак Ѓоковиќ очекувано овојпат не е ни воТтоп 50 бидејќи го ограничи бројот на турнири на кои учествуваше, а и таму каде што играше не се прослави.
Лука Дончиќ е 34-ти на листата со заработка од 55,1 милиони долари.
Пред Јокиќ и Дончиќ се Џоел Ембиид (30 место – 57,7 милиони) и Џими Батлер (31 место – 57,5 милиони).
Комплетната листа на „Форбс“ на најплатените спортисти во изминатите 12 месеци можете да ја погледнете ТУКА.